జర్నలిస్ట్స్‌ హౌసింగ్‌ సొసైటీపై విచారణ

జర్నలిస్ట్‌ కోఆపరేషన్‌ హౌసింగ్‌ సొసైటీ సంస్థాగత కార్యాచరణ, ఆర్థిక పరిస్థితి, 2025-26 స్పెషల్‌ ఆడిట్‌ రిపోర్ట్‌లో బయటపడ్డ అవకతవకలపై ప్రభుత్వం శనివారం విచారణకు ఆదేశించింది

హైదరాబాద్‌, నవంబర్‌ 7 (నమస్తే తెలంగాణ): జర్నలిస్ట్‌ కోఆపరేషన్‌ హౌసింగ్‌ సొసైటీ సంస్థాగత కార్యాచరణ, ఆర్థిక పరిస్థితి, 2025-26 స్పెషల్‌ ఆడిట్‌ రిపోర్ట్‌లో బయటపడ్డ అవకతవకలపై ప్రభుత్వం శనివారం విచారణకు ఆదేశించింది. విచారణ అధికారిగా అసిస్టెంట్‌ రిజిస్ట్రార్‌ సికింద్రాబాద్‌ శంకర్‌ను నియమించారు. 90 రోజుల్లోగా నివేదిక ఇవ్వాలని సూచించారు. సొసైటీ రికార్డులు, ఎన్‌వోసీ వసూళ్లు, బ్యాంకు లావాదేవీల వివరాలు సేకరించనున్నారు.