హైదరాబాద్ సిటీబ్యూరో, మార్చి 30 (నమస్తే తెలంగాణ): మోకాలి మార్పిడి శస్త్రచికిత్సలో స్టార్ హాస్పిటల్ కొత్త ఒరవడికి శ్రీకా రం చుట్టింది. హైదరాబాద్లోని స్టార్ హాస్పిటల్లో కొత్తగా అందుబాటులోకి తెచ్చిన ‘వెలిస్ రోబోటిక్’ యంత్రాన్ని గురువారం స్టార్ హాస్పిటల్ జాయింట్ రీప్లేస్మెంట్ సర్జన్ డా క్టర్ నీలం వీరమణారెడ్డి ప్రారంభించారు.
ఈ సందర్భంగా ఆయన మాట్లాడుతూ.. అమెరికాలో 3 నెలల క్రితం ఆవిష్కరించిన ‘వెలిస్ రోబోటిక్’ యంత్రం 2 వారాల క్రితం మన దేశంలో అందుబాటులోకి వచ్చిందని, తెలు గు రాష్ర్టాల్లో తొలిసారి స్టార్ హాస్పిటల్లోనే ఈ యంత్రాన్ని అందుబాటులోకి తీసుకొచ్చామని వివరించారు. ఇతర రోబోటిక్ యంత్రా ల ద్వారా మోకాలి మార్పిడి శస్త్రచికిత్స చేయాలంటే సీటీ-స్కాన్, ఎంఆర్ఐ లాంటివి అవసరమవుతాయని, అదే ‘వెలిస్ రోబోటిక్’ టెక్నాలజీని వినియోగించినప్పుడు సీటీ-స్కాన్, ఎంఆర్ఐ అవసరం ఉండదని వివరించారు.
ఇతర రోబోటిక్ల కంటే ‘వెలిస్ రోబోటిక్’ చికిత్స చాలా కచ్చితంగా, సహజంగా ఉంటుందన్నారు. ఇతర రోబోటిక్ శస్త్రచికిత్సల్లో కండరాల తొలగింపు అధికంగా, వెలిస్ రోబోటిక్ శస్త్రచికిత్సలో నామమాత్రంగా ఉంటుందని చెప్పారు. దీని వల్ల నొప్పి తక్కువగా ఉండటంతోపాటు రోగి త్వరగా కోలుకుంటాడని, శస్త్రచికిత్స తరువాత ఎలాంటి దుష్ప్రభావాలు ఉండవని వివరించారు.