శ్రీచైతన్య విద్యార్థుల హ్యాట్రిక్‌ వరల్డ్‌ రికార్డ్‌

విద్యారంగంలో పలు సంచలనాలను సృష్టిస్తున్న శ్రీచైతన్య సంస్థ తాజాగా హ్యాట్రిక్‌ వరల్డ్‌ రికార్డ్‌ను నమోదు చేసింది. ఆ సంస్థకు చెందిన విద్యార్థులు 100 రోజుల శిక్షణతో శుక్రవారం 100 నిమిషాల్లో 100 మ్యాథ్స్‌ టేబుల్స్‌ను అప్పజెప్పి ఈ రికార్డు సృష్టించారు

హైదరాబాద్‌, జనవరి 6 (నమస్తే తెలంగాణ): విద్యారంగంలో పలు సంచలనాలను సృష్టిస్తున్న శ్రీచైతన్య సంస్థ తాజాగా హ్యాట్రిక్‌ వరల్డ్‌ రికార్డ్‌ను నమోదు చేసింది. ఆ సంస్థకు చెందిన విద్యార్థులు 100 రోజుల శిక్షణతో శుక్రవారం 100 నిమిషాల్లో 100 మ్యాథ్స్‌ టేబుల్స్‌ను అప్పజెప్పి ఈ రికార్డు సృష్టించారు.

జూమ్‌ యాప్‌లో నిర్వహించిన ఈ ఫీట్‌లో 10 రాష్ర్టాల్లోని 73 బ్రాంచీలకు చెందిన 2 వేల మందికిపైగా ప్రీ ప్రైమరీ, ప్రైమరీ విద్యార్థులు గణితం ఎక్కాలను పూర్తిచేసి రికార్డు సృష్టించారు. లండన్‌కు చెందిన వరల్డ్‌ బుక్‌ ఆఫ్‌ రికార్డ్స్‌ ప్రతినిధులు ఈ రికార్డును నమోదుచేసి శ్రీచైతన్య అకడమిక్‌ డైరెక్టర్‌ సీమకు సర్టిఫికెట్‌ను అందజేశారు. ఈ సందర్భంగా సీమ మాట్లాడుతూ.. తమ విద్యార్థులు మూడోసారి వరల్డ్‌ రికార్డును నమోదు చేయడంపై హర్షం వ్యక్తం చేశారు. ఈ రికార్డును నెలకొల్పిన విద్యార్థులను, వారి తల్లిదండ్రులను అభినందించారు.