ఖాళీ బిందెలతో రోడ్డెక్కిన ఎడ్లపల్లి వాసులు

విద్యుత్తు అధికారుల నిర్లక్ష్యం కారణంగా మూడు రోజులుగా తాగునీటికి ఇబ్బంది పడుతున్నామంటూ జయశంకర్‌ భూపాలపల్లి జిల్లా మల్హర్‌ మండలం ఎడ్లపల్లి వాసులు శనివారం ఖాళీ బిందెలతో రోడ్డుపై బైఠాయించారు.

• విద్యుత్తు అధికారుల నిర్లక్ష్యంపై మండిపాటు

మల్హర్‌, జూన్‌ 8 : విద్యుత్తు అధికారుల నిర్లక్ష్యం కారణంగా మూడు రోజులుగా తాగునీటికి ఇబ్బంది పడుతున్నామంటూ జయశంకర్‌ భూపాలపల్లి జిల్లా మల్హర్‌ మండలం ఎడ్లపల్లి వాసులు శనివారం ఖాళీ బిందెలతో రోడ్డుపై బైఠాయించారు. నాలుగురోజుల క్రితం గ్రామంలో ఈదురుగాలులతోపాటు కురిసిన వర్షానికి ట్రాన్‌ఫార్మర్‌ కాలిపోయిందని, మరమ్మతుకు తీసుకెళ్లిన అధికారులు ఇప్పటివరకు బిగించకపోవడంతో కరెంటు లేక తాగునీటికి ఇబ్బంది పడుతున్నామని గ్రామస్థులు ఆవేదన వ్యక్తంచేశారు. బోర్‌ మోటర్‌, మిషన్‌ భగీరథ నీరు రాక తాగడానికి, ఇతర అవసరాలు తీర్చుకోవడానికి అవస్థలు పడుతున్నామని వాపోయారు. ఇప్పటికైనా అధికారులు స్పందించి తాగునీటి సమస్యను పరిషరించాలని, లేకపోతే ఆందోళనను తీవ్రతరం చేస్తామని హెచ్చరించారు.