Rain | హైదరాబాద్‌లోని పలు ప్రాంతాల్లో వర్షం.. చల్లబడ్డ వాతావరణం

Rain | కొన్ని రోజులుగా ఉక్కపోతతో సతమతమైన నగర ప్రజలకు శనివారం సాయంత్రం కురిసిన వర్షం తో ఉపశమనం లభించింది.

హైదరాబాద్‌ : కొన్ని రోజులుగా ఉక్కపోతతో సతమతమైన నగర ప్రజలకు శనివారం సాయంత్రం కురిసిన వర్షం ( Rain ) తో ఉపశమనం లభించింది. నగరంలోని గచ్చిబౌలి, మియాపూర్‌, మాదాపూర్‌, బంజారాహిల్స్‌ ( Banjara Hills ) , జూబ్లీహిల్స్‌, ఫిలింనగర్‌, బోరబండ, యూసుఫ్‌గూడ, ఎస్‌ఆర్‌ నగర్‌, సనత్‌నగర్‌, హైదర్‌గూడ, ఉప్పరపల్లి, చందానగర్‌, లింగంపల్లి , ఎల్బీనగర్‌, వనస్థలిపురం, హయత్‌నగర్‌ తదితర ప్రాంతాల్లో వర్షం కురిసింది. దాదాపు గంటలకు పైగా వర్షం పడడంతో పలు ప్రాంతాల్లో ట్రాఫిక్‌ స్తంభించిపోయింది . రాకపోకలకు ఇబ్బందులు ఎదురయ్యాయి.