22న భారత్‌ గౌరవ్‌ రైలు యాత్ర ప్రారంభం

దక్షిణ మధ్య రైల్వే జోన్‌ ఆధ్వర్యంలో ఈ నెల 22 నుంచి భారత్‌ గౌరవ్‌ రైలు యాత్ర ప్రారంభమవుతున్నట్లు రైల్వే అధికారులు గురువారం ఒక ప్రకటనలో తెలిపారు.

హైదరాబాద్‌, జూన్‌ 6 (నమస్తే తెలంగాణ): దక్షిణ మధ్య రైల్వే జోన్‌ ఆధ్వర్యంలో ఈ నెల 22 నుంచి భారత్‌ గౌరవ్‌ రైలు యాత్ర ప్రారంభమవుతున్నట్లు రైల్వే అధికారులు గురువారం ఒక ప్రకటనలో తెలిపారు. ఐఆర్‌సీటీసీతో కలిసి ‘జ్యోతిర్లింగ సహిత దివ్య దక్షిణ యాత్ర’ టూరిస్ట్‌ సర్క్యూట్‌ను ప్రారంభిస్తున్నట్లు వెల్లడించారు.

అరుణాచలం, రామేశ్వరం, మధురై, కన్యాకుమారి, త్రివేండ్రం, తిరుచ్చి, తంజావూర్‌ వంటి దివ్య తీర్థస్థలాలను సందర్శించేలా తొమ్మిది రోజులు యాత్ర కొనసాగుతుందని పేర్కొన్నారు. పూర్తి వివరాలు ఐఆర్‌సిటీసీ వెబ్‌సైట్‌లో ఉన్నాయని తెలిపారు.