Telangana | బ్లాక్ ప్లాంటేష‌న్ కోసం మైక్రో ప్లాన్‌ను సిద్ధం చేయండి : సీఎస్ శాంతి కుమారి

Telangana | హైద‌రాబాద్ : జిల్లాల్లో బ్లాక్ ప్లాంటేషన్ కోసం మైక్రో ప్లాన్‌ను సిద్ధం చేయాలని ఎనిమిది జిల్లా అధికారులను ప్రభుత్వ ప్రధాన కార్యదర్శి శాంతి కుమారి ఆదేశించారు. కెనాల్‌ బండ్‌ ప్లాంటేషన్‌కు భారీ అవకాశాలున్నప్పటికీ బ్లాక్‌ ప్లాంటేషన్‌లో పచ్చదనాన్ని పెంపొందించడమే కాకుండా పంచాయతీలకు ఆదాయం సమకూరేలా వాణిజ్యపరంగా లాభదాయకమైన, ఫలసాయం అందించే ప్రణాళికలు చేపట్టాలని ఆమె తెలియజేశారు.

Telangana | హైద‌రాబాద్ : జిల్లాల్లో బ్లాక్ ప్లాంటేషన్ కోసం మైక్రో ప్లాన్‌ను సిద్ధం చేయాలని ఎనిమిది జిల్లా అధికారులను ప్రభుత్వ ప్రధాన కార్యదర్శి శాంతి కుమారి ఆదేశించారు. కెనాల్‌ బండ్‌ ప్లాంటేషన్‌కు భారీ అవకాశాలున్నప్పటికీ బ్లాక్‌ ప్లాంటేషన్‌లో పచ్చదనాన్ని పెంపొందించడమే కాకుండా పంచాయతీలకు ఆదాయం సమకూరేలా వాణిజ్యపరంగా లాభదాయకమైన, ఫలసాయం అందించే ప్రణాళికలు చేపట్టాలని ఆమె తెలియజేశారు. వెదురు వంటి జాతులను మొక్కల పెంపకానికి ప్రోత్సహించాలని ఆమె సూచించారు.

తాత్కాలిక స‌చివాల‌యం బీఆర్‌కే భవన్‌లో నీటిపారుదల భూముల్లో ప్లాంటేషన్‌పై వర్క్‌ షాప్ జరిగింది. జోగులాంబ గద్వాల్‌, నిజామాబాద్‌, మహబూబ్‌నగర్‌, మెదక్‌, నాగర్‌కర్నూల్‌, రాజన్న సిరిసిల్ల, సిద్దిపేట, సూర్యాపేట జిల్లాల అదనపు కలెక్టర్లు (స్థానిక సంస్థలు), జిల్లా అటవీ అధికారులు, ఇరిగేషన్ అధికారులు ఈ వర్క్ షాప్‌న‌కు హాజరయ్యారు.

వర్క్‌ షాప్‌లో భాగంగా ప్రభుత్వ ప్రధాన కార్యదర్శి శాంతికుమారి మాట్లాడుతూ.. తెలంగాణకు హరితహారం కార్యక్రమం క్షీణించిన అడవులను పునరుద్ధరించడమే కాకుండా, స్మగ్లింగ్, ఆక్రమణలు, అగ్నిప్రమాదం నుండి అడవులను రక్షించడంలో కూడా సహాయపడిందని తెలిపారు. రాష్ట్రంలో పచ్చదనం కూడా 7.7 శాతం పెరిగింది. పట్టణ, గ్రామీణ ప్రాంతాలలో కూడా పచ్చదనంలో గుర్తించదగిన మార్పు కనిపిస్తోందని సీఎస్ పేర్కొన్నారు.

ముఖ్య‌మంత్రి కేసీఆర్ ఆదేశాల మేరకు గతేడాది నుంచి సాగునీటి భూముల్లో తోటల పెంపకం చేపట్టారు. తోటల పెంపకాన్ని చేపట్టడానికి సాధ్యాసాధ్యాలను అంచనా వేయడానికి జిల్లా స్థాయి బృందాలు సంయుక్త క్షేత్ర సందర్శనలు నిర్వహించి కొన్ని స్థలాలను పరిశీలించారు. ఎనిమిది జిల్లాల బృందాలు బ్లాక్ మరియు లీనియర్ ప్లాంటేషన్లను చేపట్టేందుకు డ్రాఫ్ట్ మోడల్ యాక్షన్ ప్లాన్‌ను సూచించాయి. దీనిని వర్క్‌ షాప్‌లో ప్రదర్శించారు.

నీటిపారుదల శాఖ ప్రత్యేక ప్రధాన కార్యదర్శి రజత్‌కుమార్‌, పంచాయతీ రాజ్ గ్రామీణాభివృద్ధి శాఖ ముఖ్య కార్యదర్శి సందీప్‌ కుమార్‌ సుల్తానియా, పీసీసీఎఫ్‌ ఆర్‌ఎం డోబ్రియాల్‌, పంచాయతీ రాజ్ గ్రామీణాభివృద్ధి శాఖ కమిషనర్ హనుమంతరావు, ఇతర అధికారులు వర్క్‌ షాప్‌లో పాల్గొన్నారు.