14,15న అగ్రివర్సిటీలో మూడో దశ కౌన్సెలింగ్‌

ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయంలోని రెగ్యులర్‌ కోటా బీఎస్సీ(ఆనర్స్‌) అగ్రికల్చర్‌, బీటెక్‌(ఫుడ్‌ టెక్నాలజీ) కోర్సుల్లో మిగిలిన సీట్లకు మూడో దశ కౌన్సెలింగ్‌ను ఈ నెల 14,15న నిర్వహించనున్నట్టు రిజిస్ట్రార్‌ డాక్టర్‌ విద్యాసాగర్‌ ప్రకటనలో తెలిపారు.

హైదరాబాద్‌, అక్టోబర్‌ 11 (నమస్తే తెలంగాణ)/వ్యవసాయ యూనివర్సిటీ : ప్రొఫెసర్‌ జయశంకర్‌ తెలంగాణ వ్యవసాయ విశ్వవిద్యాలయంలోని రెగ్యులర్‌ కోటా బీఎస్సీ(ఆనర్స్‌) అగ్రికల్చర్‌, బీటెక్‌(ఫుడ్‌ టెక్నాలజీ) కోర్సుల్లో మిగిలిన సీట్లకు మూడో దశ కౌన్సెలింగ్‌ను ఈ నెల 14,15న నిర్వహించనున్నట్టు రిజిస్ట్రార్‌ డాక్టర్‌ విద్యాసాగర్‌ ప్రకటనలో తెలిపారు.

ప్రత్యేక కోటా బీఎస్సీ(ఆనర్స్‌) అగ్రికల్చర్‌, బీటెక్‌(ఫుడ్‌ టెక్నాలజీ) కోర్సుల్లో మిగిలిన సీట్లకు ఈ నెల 16న కౌన్సెలింగ్‌ నిర్వహించనున్నట్టు వివరించారు. ఈ రెండు కౌన్సెలింగ్‌లు రాజేంద్రనగర్‌లోని విశ్వవిద్యాలయం ఆడిటోరియంలో జరుగనున్నాయని తెలిపారు. వివరాలకు www.pjtau.edu.in వెబ్‌సైట్‌ను సంప్రదించాలని సూచించారు.