నాపై కుట్ర.. నాకు ప్రాణహాని

ఎమ్మెల్యేల కొనుగోలు కేసులో తనపై కుట్ర జరిగిందని ప్రధాన నిందితుల్లో ఒకరైన నందకుమార్‌ ఆరోపించారు. ఈ కేసులో తాను నిందితుడినో, బాధితుడినో త్వరలోనే తెలుస్తుందని చెప్పారు. కొందరు తనను హతమార్చేందుకు రెక్కీ నిర్వహిస్తున్నారని, తనకు ప్రాణాహాని ఉన్నదని, రక్షణ కల్పించాలని కోరారు.

• నిందితుడినో, బాధితుడినో త్వరలో తేల్తది
• నా హోటల్‌ అన్యాయంగా కూల్చారు
• డీజీపీ రవిగుప్తాకు నందకుమార్‌ ఫిర్యాదు

హైదరాబాద్‌, జనవరి 18 (నమస్తే తెలంగాణ): ఎమ్మెల్యేల కొనుగోలు కేసులో తనపై కుట్ర జరిగిందని ప్రధాన నిందితుల్లో ఒకరైన నందకుమార్‌ ఆరోపించారు. ఈ కేసులో తాను నిందితుడినో, బాధితుడినో త్వరలోనే తెలుస్తుందని చెప్పారు. కొందరు తనను హతమార్చేందుకు రెక్కీ నిర్వహిస్తున్నారని, తనకు ప్రాణాహాని ఉన్నదని, రక్షణ కల్పించాలని కోరారు. గురువారం హైదరాబాద్‌లో డీజీపీ రవిగుప్తాకు పలు అంశాలపై ఫిర్యాదు చేసిన అనంతరం మీడియాతో మాట్లాడారు.

ఎమ్మెల్యేల కొనుగోలు కేసులో తాను జైలులో ఉండగానే తన హోటల్‌ను అన్యాయంగా కూల్చివేశారని ఆవేదన వ్యక్తం చేశారు. నిర్మాత దగ్గుబాటి సురేశ్‌బాబు, హీరో వెంకటేశ్‌, రానా, జీహెచ్‌ఎంసీ అధికారులపై తనకు అనుమానాలు ఉన్నాయని ఆరోపించారు. ఎమ్మెల్యేల కొనుగోలు కేసులో తన ఫోన్లను టాంపరింగ్‌ చేశారని, దీనిపై పూర్తిస్థాయిలో విచారణ చేపట్టాలని డీజీపీకి ఫిర్యాదు చేశానని చెప్పారు. ఎమ్మెల్యేల కొనుగోలు కేసు ప్రస్తుతం సుప్రీంకోర్టులో పెండింగ్‌లో ఉన్నదని, ఆ తర్వాత తనపై అనేక కేసులు పెట్టారని తెలిపారు., తనపై పెట్టిన కేసులపై నిష్పక్షపాతంగా విచారణ చేయించాలని డీజీపీని కోరినట్టు ఆయన వెల్లడించారు.