Street Vendors | స్ట్రీట్ వెండర్ల ఉపాధిపై మున్సిపల్ పంజా.. చిరు దుకాణాలను ధ్వంసం చేసిన అధికారులు

Street Vendors | పేదల బతుకులను జేసీబీలతో తొక్కించారు. రోజు వారిగా వీధి వ్యాపారం చేసుకునే స్ట్రీట్ వెండర్ల ఉపాధిని కర్కశంగా ధ్వంసం చేశారు.

కొండాపూర్ : పేదల బతుకులను జేసీబీ ( JCB ) లతో తొక్కించారు. రోజు వారిగా వీధి వ్యాపారం చేసుకునే స్ట్రీట్ వెండర్ల ( Street Vendors ) ఉపాధిని కర్కశంగా ధ్వంసం చేశారు. మియాపూర్ సర్కిల్ పరిధి చందానగర్‌లోని సరస్వతి విద్యా మందిర నుంచి పీజేఆర్ స్టేడియం వెళ్లే మార్గంలో స్ట్రీట్ వెండర్స్ డబ్బాలను ఎలాంటి ముందస్తు సమాచారం ఇవ్వకుండా టౌన్ ప్లానింగ్ అధికారులు తమ సిబ్బందితో కలిసి తుక్కు తుక్కుగా చేశారు .

పేదల బతుకులను రోడ్డుపాలు చేశారంటూ, తమకు న్యాయం చేయాలని మియాపూర్ సర్కిల్ ఉప కమిషనర్ శశిరేఖకు వినతి పత్రం అందజేశారు. తమ ఉపాధిని కూల్చి, కుటుంబాలను రోడ్డు పైకి లాగిన అధికారులపై వెంటనే చర్యలు తీసుకోవాలని కోరారు.