వరి కొయ్యలను తగలబెట్టొద్దు

వరి కోత తర్వాత కొయ్యలను తగలబెట్టొద్దని వ్యవసాయ శాఖ మంత్రి తుమ్మల నాగేశ్వరరావు రైతులకు సూచించారు.

• రైతులకు మంత్రి తుమ్మల నాగేశ్వరరావు సూచన

హైదరాబాద్‌, మే 14 (నమస్తే తెలంగాణ) : వరి కోత తర్వాత కొయ్యలను తగలబెట్టొద్దని వ్యవసాయ శాఖ మంత్రి తుమ్మల నాగేశ్వరరావు రైతులకు సూచించారు. అలాచేస్తే పర్యావరణ కాలుష్యంతో పాటు అగ్ని ప్రమాదాలు సంభవిస్తాయని, ఆస్తి, ప్రాణ నష్టం జరిగే అవకాశం ఉందని ఆందోళన వ్యక్తం చేశారు. వరి కొయ్యలను కాల్చకుండా నీళ్లలో మురిగిపోయేలా చ ర్యలు తీసుకోవాలని పేర్కొన్నారు. ఇందుకు సంబంధించి కార్యాచరణ రూపొందించి, రైతులకు ప్రత్యామ్నాయ విధానాలపై అవగాహన కల్పించాలని అధికారులను ఆదేశించారు. ఈ విషయంలో నిర్లక్ష్యం చేస్తే చర్యలు తీసుకుంటామని హెచ్చరించారు.