కేటీఆర్‌ చొరవతో స్వగ్రామానికి మృతదేహం

బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ మరోసారి మానవత్వం చాటుకున్నారు. ఉపాధి కోసం గల్ఫ్‌నకు వెళ్లి గుండెపోటుతో సిరిసిల్లవాసి మృతి చెందగా, రామన్న ప్రత్యేక చొరవ చూపి మృతదేహాన్ని స్వగ్రామానికి తెప్పించారు. సిరిసిల్ల మండలం చంద్రంపేటలోని ఒడ్డెర కాలనీకి చెందిన అల్లపు మల్లేశం బతుకు దెరువు కోసం కొన్నేండ్లుగా బహ్రెయిన్‌కు వెళ్లి వస్తున్నాడు.

• వారంక్రితం బహ్రెయిన్‌లో సిరిసిల్లవాసి గుండెపోటుతో మృతి

సిరిసిల్ల టౌన్‌, నవంబర్‌ 5 : బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ మరోసారి మానవత్వం చాటుకున్నారు. ఉపాధి కోసం గల్ఫ్‌నకు వెళ్లి గుండెపోటుతో సిరిసిల్లవాసి మృతి చెందగా, రామన్న ప్రత్యేక చొరవ చూపి మృతదేహాన్ని స్వగ్రామానికి తెప్పించారు. సిరిసిల్ల మండలం చంద్రంపేటలోని ఒడ్డెర కాలనీకి చెందిన అల్లపు మల్లేశం బతుకు దెరువు కోసం కొన్నేండ్లుగా బహ్రెయిన్‌కు వెళ్లి వస్తున్నాడు.

పది నెలల క్రితం బహ్రెయిన్‌ వెళ్లిన ఆయన, గత నెల 28న గుండెపోటుతో మృతిచెందాడు. విషయం తెలిసిన కుటుం బ సభ్యులు కన్నీరుమున్నీరై మృతదేహాన్ని ఎలా తెప్పించాలోనని ఆందోళన చెందారు. మల్లేశం మృతదేహాన్ని తెప్పించాలని కౌన్సిలర్‌ బాలమల్లు ద్వారా కేటీఆర్‌ దృష్టికి తీసుకెళ్లారు. ఆయన స్పందించి, ఇండియన్‌ ఎంబసీకి లేఖ రాసి మృతదేహాన్ని పంపించాలని విజ్ఞప్తి చేశారు.