Visit:
KP Vivekananda | బీఆర్ఎస్ హయాంలో గత పదేండ్లు హైదరాబాద్లో అద్భుతమైన అభివృద్ధి జరిగిందని కుత్బుల్లాపూర్ ఎమ్మెల్యే కేపీ వివేకానంద తెలిపారు. అందుకే హైదరాబాద్ ప్రజలు బీఆర్ఎస్కు గొప్ప విజయం అందించారని పేర్కొన్నారు.
అసెంబ్లీ బడ్జెట్ సమావేశాల్లో కేపీ వివేకానంద మాట్లాడుతూ.. హైదరాబాద్ నగర అభివృద్ధికి ఈ ప్రభుత్వం ఏం చేస్తోందని ప్రశ్నించారు. అండర్ పాస్ల నిర్మాణానికి ఎంత ఖర్చు చేస్తున్నారని నిలదీశారు.
కాంగ్రెస్ పాలనలో హైదరాబాద్ ప్రగతి కుంటుపడిందని కేపీ వివేకానంద అన్నారు. సర్కార్ చెప్పేదొకటి చేసేదొకటి అని విమర్శించారు. చిన్న చిన్న లింకు రోడ్ల నిర్మాణంలోనూ నిర్లక్ష్యమే ఉందని మండిపడ్డారు. గత ప్రభుత్వంలో మంజూరైన ఫ్లై ఓవర్లను కూడా పూర్తి చేయడం లేదని తెలిపారు.
