పోలింగ్‌, కౌంటింగ్‌కు సంబంధించి ఎస్ఈసీ కొవిడ్‌-19 సూచ‌న‌లు

హైద‌రాబాద్ : మున్సిప‌ల్ ఎన్నిక‌ల నేప‌థ్యంలో పోలింగ్‌, కౌంటింగ్‌కు సంబంధించి పాటించాల్సిన కొవిడ్‌-19 నిబంధ‌న‌ల‌పై రాష్ట్ర ఎన్నిక‌ల క‌మిష‌న‌ర్ సి. పార్థ‌సార‌థి ప‌లు సూచ‌న‌లు చేశారు. గురువారం రాష్ట్ర ఎన్నిక‌ల కార్యాల‌యం నుండి ఎన్నిక‌లు జ‌ర‌గ‌నున్న జిల్లాల క‌లెక్ట‌ర్లు, పోలీస్ క‌మిష‌న‌ర్లు, ఎస్‌పీలు, జిల్లా వైద్యారోగ్య‌శాఖ అధికారులు, మున్సిప‌ల్ క‌మిష‌న‌ర్ల‌తో ఎస్ఈసీ వీడియో కాన్ఫ‌రెన్స్‌ను నిర్వ‌హించారు. ఈ సంద‌ర్భంగా ఎస్ఈసీ ప‌లు సూచ‌న‌లు చేశారు.

• ప్ర‌తి ఒక్క‌రూ మాస్కు త‌ప్ప‌నిస‌రిగా ధ‌రించాలి
• పోలింగ్ కేంద్రాల‌ను శానిటైజ్ చేయాలి
• ఓటింగ్ ముందు, త‌ర్వాత వ్య‌క్తి చేతుల‌ను శానిటైజ్ చేయాలి
• భౌతిక‌దూరం పాటించేలా రింగ్స్‌ను ఏర్పాటు చేయాలి
• పోలింగ్ సిబ్బంది విధిగా మాస్కులు, ఫేస్ షీల్డులు, గ్లౌజులు ధ‌రించాలి
• పోలింగ్ కేంద్రాల్లో అవ‌స‌ర‌మైన ఆరోగ్య సిబ్బంది అవ‌స‌ర‌మైన మెడిక‌ల్ కిట్ల‌తో సిద్ధంగా ఉండాలి
• పోలింగ్ రోజున‌, కౌంటింగ్ రోజున గుంపులుగా ఉండ‌కుండా చూసుకోవాలి
• కౌంటింగ్ హాల్స్‌లో ఐదుకు మించి టేబుల్స్ ఉండ‌కుండా చ‌ర్య‌లు తీసుకోవాలి
• ఎటువంటి విజ‌యోత్స‌వ ర్యాలీలు నిర్వ‌హించ‌రాదు
• రిట‌ర్నింగ్ అధికారి నుండి ఎన్నికైన ద్రువ‌ప‌త్రం అందుకోవ‌డానికి అభ్య‌ర్థితో పాటు మ‌రొక‌రికి మాత్ర‌మే అనుమ‌తి
• పోలింగ్, కౌంటింగ్ సిబ్బంది అంద‌రూ ఆరోగ్యసేతు యాప్ డౌన్‌లోడ్ చేసుకోవాలి

ఈ స‌మావేశంలో మున్సిప‌ల్ అడ్మినిస్ట్రేష‌న్ డైరెక్ట‌ర్ స‌త్య‌నారాయ‌ణ‌, ప్ర‌జారోగ్య కుటుంబ సంక్షేమ‌శాఖ సంయుక్త సంచాల‌కులు శివ బాలాజీ రెడ్డి, రాష్ట్ర ఎన్నిక‌ల సంఘం కార్య‌ద‌ర్శి అశోక్ కుమార్‌, ఓఎస్డీ జ‌య‌సింహ రెడ్డి, త‌దిత‌రులు పాల్గొన్నారు.