TS PGECET | టీఎస్ పీజీఈసెట్ షెడ్యూల్‌ను విడుద‌ల చేసిన జేఎన్టీయూ

TS PGECET | హైద‌రాబాద్‌లోని జ‌వ‌హ‌ర్ లాల్ నెహ్రూ టెక్నాల‌జిక‌ల్ యూనివ‌ర్సిటీ శుక్ర‌వారం టీఎస్ పీజీఈసెట్ షెడ్యూల్‌ను విడుద‌ల చేసింది. ఈ నోటిఫికేష‌న్ ద్వారా 2023-24 విద్యా సంవ‌త్స‌రానికి ఎంఈ, ఎంటెక్, ఎంఆర్క్ కోర్సుల్లో ప్ర‌వేశాలు క‌ల్పించ‌నున్నారు.

TS PGECET | హైద‌రాబాద్ : హైద‌రాబాద్‌లోని జ‌వ‌హ‌ర్ లాల్ నెహ్రూ టెక్నాల‌జిక‌ల్ యూనివ‌ర్సిటీ శుక్ర‌వారం టీఎస్ పీజీఈసెట్ షెడ్యూల్‌ను విడుద‌ల చేసింది. ఈ నోటిఫికేష‌న్ ద్వారా 2023-24 విద్యా సంవ‌త్స‌రానికి ఎంఈ, ఎంటెక్, ఎంఆర్క్ కోర్సుల్లో ప్ర‌వేశాలు క‌ల్పించ‌నున్నారు.

టీఎస్ పీజీఈసెట్‌కు సంబంధించిన నోటిఫికేష‌న్ ఫిబ్ర‌వ‌రి 28న విడుద‌ల కానుంది. మార్చి 3వ తేదీ నుంచి ఆన్‌లైన్‌లో అర్హులైన అభ్య‌ర్థులు ద‌ర‌ఖాస్తు చేసుకోవ‌చ్చు. ఎలాంటి ఆల‌స్య రుసుం లేకుండా ఏప్రిల్ 30వ తేదీ వ‌ర‌కు ద‌ర‌ఖాస్తు చేసుకోవ‌చ్చు. మే 2 నుంచి 4వ తేదీ మ‌ధ్య‌లో ద‌ర‌ఖాస్తుల‌ను ఎడిట్ చేసుకునేందుకు అవ‌కాశం క‌ల్పించారు. రూ. 250 ఆల‌స్య రుసుంతో మే 5 వ‌ర‌కు, రూ. 1000 తో మే 10, రూ. 2,500తో మే 15, రూ. 5 వేల ఆల‌స్య రుసుంతో మే 24వ తేదీ వ‌ర‌కు ద‌ర‌ఖాస్తు చేసుకోవ‌చ్చు. మే 21 నుంచి టీఎస్ పీజీఈసెట్ వెబ్‌సైట్ నుంచి హాల్ టికెట్లు డౌన్‌లోడ్ చేసుకోవ‌చ్చు.