జనవరిలో జేఈఈ మెయిన్‌-1.. దరఖాస్తులు షురూ

దేశంలోని ఐఐటీలు, ఎన్‌ఐటీలు, ట్రిపుల్‌ ఐటీలు, కేంద్ర ప్రభుత్వ నిధులతో నడిచే ఇంజినీరింగ్‌ సంస్థల్లో ప్రవేశాలకోసం నిర్వహించే ఉమ్మడి ప్రవేశ పరీక్ష (జేఈఈ మెయిన్‌ - 2023) నోటిఫికేషన్‌ను నేషనల్‌ టెస్టింగ్‌ ఏజెన్సీ (ఎన్‌టీఏ) గురువారం విడుదల చేసింది

• 24 – 31 వరకు 7 రోజులు నిర్వహణ
• రెండో విడత ఏప్రిల్‌ మొదటి వారంలో
• మొదటి విడతకు దరఖాస్తులు షురూ
• షెడ్యూల్‌ విడుదల చేసిన ఎన్‌టీఏ

హైదరాబాద్‌, డిసెంబర్‌ 15 (నమస్తే తెలంగాణ): దేశంలోని ఐఐటీలు, ఎన్‌ఐటీలు, ట్రిపుల్‌ ఐటీలు, కేంద్ర ప్రభుత్వ నిధులతో నడిచే ఇంజినీరింగ్‌ సంస్థల్లో ప్రవేశాలకోసం నిర్వహించే ఉమ్మడి ప్రవేశ పరీక్ష (జేఈఈ మెయిన్‌ – 2023) నోటిఫికేషన్‌ను నేషనల్‌ టెస్టింగ్‌ ఏజెన్సీ (ఎన్‌టీఏ) గురువారం విడుదల చేసింది. రెండు విడతలుగా ఈ పరీక్షలు నిర్వహిస్తారు. తొలి విడత జేఈఈ మెయిన్‌ పరీక్ష వచ్చే ఏడాది జనవరి 24, 25, 27, 28, 29, 30, 31 తేదీల్లో నిర్వహించనున్నారు. రెండో విడత పరీక్షలు వచ్చే ఏప్రిల్‌ 6, 7, 8, 9, 10, 11, 12 తేదీల్లో ఉంటాయని ఎన్టీయే వెల్లడించింది. పరీక్ష ఎప్పటిలాగే ఆన్‌లైన్‌ విధానంలో (కంప్యూటర్‌ బేస్డ్‌ ఎగ్జామ్‌)ఉంటుందని తెలిపింది. ఇంగ్లిష్‌, హిందీ, తెలుగు సహా మొత్తం 13 భాషల్లో పరీక్ష నిర్వహిస్తున్నట్టు వెల్లడించింది.

దరఖాస్తుల స్వీకరణ
జేఈఈ మెయిన్‌ మొదటి విడత దరఖాస్తు లు గురువారం రాత్రి నుంచి ప్రారంభమయ్యా యి. జనవరి 12వ తేదీ రాత్రి 11.50 గంటల వరకు దరఖాస్తులు స్వీకరిస్తారు. ఏప్రిల్‌లో జరిగే రెండో విడత పరీక్షలకు సంబంధించిన దరఖాస్తులను ఫిబ్రవరి 7 నుంచి మార్చి 7వ తేదీ వరకు స్వీకరిస్తారు. విద్యార్థులు పూర్తి వివరాలకు ఎన్‌టీఏ వెబ్‌సైట్‌ చూడాలని, లేదా 011 40759000/ 011 69227700 నం బర్లకు ఫోన్‌ చేయవచ్చని ఎన్టీయే తెలిపింది. 2019 వరకూ జేఈఈ మెయిన్స్‌ జనవరి, ఏప్రిల్‌ నెలల్లో నిర్వహించారు. కొవిడ్‌ కారణం గా గత రెండేండ్లుగా నాలుగు విడతలుగా నిర్వహిస్తున్నారు. ఈ ఏడాది అక్టోబర్‌లో ప్రవేశాల ప్రక్రియ ముగిసింది. తర్వాతి ఏడాది పరీక్షకు కేవలం 2 నెలల్లోనే నోటిఫికేషన్‌ ఇవ్వడం విశే షం. 2022 జేఈఈ మెయిన్‌కు 10.26 లక్షల మంది దరఖాస్తు చేయగా..9,05,590 మంది హాజరయ్యారు. ఇందులో అర్హత సాధించిన వారికి అడ్వాన్స్‌ నిర్వహిస్తారు. వచ్చే ర్యాంకు ఆధారంగా ఐఐటీల్లో సీట్లు కేటాయిస్తారు.