2027 మే 23న జేఈఈ అడ్వాన్స్‌డ్‌

ఐఐటీల్లో బీటెక్‌ సీట్ల భర్తీకి నిర్వహించే జేఈఈ అడ్వాన్స్‌డ్‌ పరీక్ష తేదీ ఖరారయ్యింది. ఈ పరీక్షను 2027 మే 23న నిర్వహించనున్నట్టు ఐఐటీ ఢిల్లీ తెలిపింది.

హైదరాబాద్‌, నవంబర్‌ 13 (నమస్తే తెలంగాణ) : ఐఐటీల్లో బీటెక్‌ సీట్ల భర్తీకి నిర్వహించే జేఈఈ అడ్వాన్స్‌డ్‌ పరీక్ష తేదీ ఖరారయ్యింది. ఈ పరీక్షను 2027 మే 23న నిర్వహించనున్నట్టు ఐఐటీ ఢిల్లీ తెలిపింది. పరీక్షకు సంబంధించిన అర్హత ప్రమాణాలను సైతం ఐఐటీ ఢిల్లీ వెబ్‌సైట్‌లో పొందుపరిచింది.

ఈ సారి పరీక్షల్లో అభ్యర్థులు ఆన్‌స్క్రీన్‌ కాలిక్యులెటర్‌ను ఉపయోగించుకునే అవకాశం కల్పించారు. సైంటిఫిక్‌ క్యాలిక్యులెటర్‌ కాకుండా సాధారణ కాలిక్యులెటర్‌ మాత్రమే అందుబాటులో ఉంటుంది.