టెట్‌ నోటిఫికేషన్‌ విడుదల

ఉపాధ్యాయ అర్హత పరీక్ష (టెట్‌) నోటిఫికేషన్‌ విడుదలయ్యింది. జనవరి -2027 సెషన్‌ నోటిఫికేషన్‌ను పాఠశాల విద్యాశాఖ డైరెక్టర్‌ నవీన్‌ నికోలస్‌ శుక్రవారం విడుదల చేశారు.

హైదరాబాద్‌, నవంబర్‌ 13 (నమస్తే తెలంగాణ) : ఉపాధ్యాయ అర్హత పరీక్ష (టెట్‌) నోటిఫికేషన్‌ విడుదలయ్యింది. జనవరి -2027 సెషన్‌ నోటిఫికేషన్‌ను పాఠశాల విద్యాశాఖ డైరెక్టర్‌ నవీన్‌ నికోలస్‌ శుక్రవారం విడుదల చేశారు. ఈ నెల 16 నుంచి దరఖాస్తుల స్వీకరణ ప్రారంభమవుతుంది. డిసెంబర్‌ 10వ తేదీ వరకు ఆన్‌లైన్‌లో దరఖాస్తు చేసుకోవచ్చు.

డిసెంబర్‌ 28న హాల్‌టికెట్లు విడుదల చేస్తారు. 2027 జనవరి 3 నుంచి 15 వరకు పరీక్షలను నిర్వహిస్తారు. ఫిబ్రవరి 8 -12 మధ్య ఫలితాలు విడుదల చేస్తారు.