తెలంగాణ రక్షణ సేన కాదు.. తెలంగాణ రాక్షస సేన’

కవిత కొత్తగా ఏర్పాటు చేసిన పార్టీ తెలంగాణ రక్షణ సేన కాదని, అది తెలంగాణ రాక్షస సేన అని జడ్చర్ల ఎమ్మెల్యే అనిరుధ్‌రెడ్డి విమర్శించారు.

జడ్చర్లటౌన్‌, మే 5 : కవిత కొత్తగా ఏర్పాటు చేసిన పార్టీ తెలంగాణ రక్షణ సేన కాదని, అది తెలంగాణ రాక్షస సేన అని జడ్చర్ల ఎమ్మెల్యే అనిరుధ్‌రెడ్డి విమర్శించారు. మంగళవారం మహబూబ్‌నగర్‌ జిల్లా రాజాపూర్‌ మండలం కుచ్చర్‌కల్‌లో ఆయన మాట్లాడారు. జీవితాన్ని ఇచ్చిన తండ్రి మీదనే కొట్లాడుతున్న కవిత తెలంగాణ ప్రజలకు ఏం న్యాయం చేస్తారని ప్రశ్నించారు. ఫ్యాక్టరీలు, వ్యాపారుల వద్ద దోచుకోవడానికి కొత్త పార్టీ పెట్టారా అని ప్రశ్నించారు. తెలంగాణ రాక్షస సేన పార్టీలో చేరిన వారందరూ రాక్షసులని, ప్రజలను దోచుకోవడమే వారి లక్ష్యమని విమర్శించారు.