Former Minister Niranjan Reddy | కేసీఆర్‌ ఆనవాళ్లు చెరపడం మీ తరం కాదు : మాజీ మంత్రి నిరంజన్‌ రెడ్డి

Former Minister Niranjan Reddy | తెలంగాణ రాష్ట్రమే కేసీఆర్‌(KCR) ఆనవాలని , దానిని చేరపడం మీ తరం కాదని మాజీ మంత్రి సింగిరెడ్డి నిరంజన్‌ రెడ్డి (Niranjan Reddy ) పేర్కొన్నారు.

హైదరాబాద్‌ : తెలంగాణ రాష్ట్రమే కేసీఆర్‌(KCR) ఆనవాళ్లు. చేరపడం మీ తరం కాదని మాజీ మంత్రి సింగిరెడ్డి నిరంజన్‌ రెడ్డి (Niranjan Reddy ) పేర్కొన్నారు. కేసీఆర్‌ ఆనవాలు డాక్టర్‌ బీఆర్‌ అంబేద్కర్‌ సెక్రటెరియట్‌ రూపంలో ప్రభుత్వం విడుదల చేసిన క్యాలెండర్‌ లోనే మీ(సీఎం) వెనుకాలనే ఠీవి గా ఉందని సీఎం రేవంత్‌ రెడ్డికి సూచించారు. తెలంగాణ లో ఎక్కడికి వెళ్లినా, ఢిల్లీ వెళ్లినా కేసీఆర్‌ అనే లెజెండ్‌(Legend) ఆనవాళ్లు  మీ కంటే ముందే ఉంటాయని అన్నారు.

కాంగ్రెస్‌ చెరిపి వేయాలనుకున్న భగత్‌ సింగ్‌, నేతాజీ సుభాష్‌ చంద్ర బోస్‌, సర్దార్‌ పటేల్‌, అంబేద్కర్‌, పీవీ మొదలైన వారి ఆనవాళ్లు ఎవరూ చేరిపేయలేక పోయారని గుర్తు చేశారు. గాంధీ, నెహ్రూ ఆనవాలు 75 ఏళ్లు అయినా ఎవరూ చెరిపేయలేకపోయారని, కేసీఆర్‌ ఆనవాళ్లు తెలంగాణ లో చెరిపి వేయడం మీ తరం కాదని అన్నారు.