ఇరిగేషన్‌లోనూ జనరల్‌ బదిలీలు చేపట్టాలి

రాష్ట్ర సాగునీటిపారుదల శాఖలో జనరల్‌ బదిలీలను చేపట్టాలని జలసౌధకు వచ్చిన మంత్రి ఉత్తమ్‌ను ఏఈఈ అసోసియేషన్‌ ప్రతినిధులు సోమవారం కలిసి వినతిపత్రం అందజేశారు.

• మంత్రి ఉత్తమ్‌కుమార్‌రెడ్డికి ఏఈఈ సంఘాల వినతి

హైదరాబాద్‌, జూలై 8 (నమస్తే తెలంగాణ): రాష్ట్ర సాగునీటిపారుదల శాఖలో జనరల్‌ బదిలీలను చేపట్టాలని జలసౌధకు వచ్చిన మంత్రి ఉత్తమ్‌ను ఏఈఈ అసోసియేషన్‌ ప్రతినిధులు సోమవారం కలిసి వినతిపత్రం అందజేశారు. అనంతరం ఈఎన్సీ అనిల్‌కుమార్‌ను కలిసి ఇరిగేషన్‌ డిపార్ట్‌మెంట్‌లో సాధారణ బదిలీలు లేకపోవడంతో ఒకే యూనిట్‌లో 12ఏళ్లకు పైగా పనిచేయాల్సిన దుస్థితి ఏర్పడిందని వెల్లడించారు. దీనిపై మంత్రి ఉత్తమ్‌కుమార్‌ సానుకూలంగా స్పందించారు. వెంటనే ఈఎన్సీకి ఫోన్‌ చేసి సాధారణ బదిలీల జీవోను అమలు చేయాలని ఆదేశించారు.