ఇందిరమ్మ చీర.. ఇంటికి కర్టెన్‌!

కాంగ్రెస్‌ ప్రభుత్వం ఎంతో ఆర్భాటంగా ప్రారంభించిన ఇందిరమ్మ చీరల పంపిణీ పథకం క్షేత్రస్థాయిలో నవ్వులపాలవుతున్నది. నల్లగొండ జిల్లా కొండమల్లేపల్లి మండలం గుడితండాలో ఇందిరమ్మ చీర ఓ ఇంటికి కర్టెన్‌గా వాడుతున్న విషయం బయటపడింది.

కొండమల్లేపల్లి, అక్టోబర్‌ 12 : కాంగ్రెస్‌ ప్రభుత్వం ఎంతో ఆర్భాటంగా ప్రారంభించిన ఇందిరమ్మ చీరల పంపిణీ పథకం క్షేత్రస్థాయిలో నవ్వులపాలవుతున్నది. నల్లగొండ జిల్లా కొండమల్లేపల్లి మండలం గుడితండాలో ఇందిరమ్మ చీర ఓ ఇంటికి కర్టెన్‌గా వాడుతున్న విషయం బయటపడింది.

ప్రభుత్వం అందించిన చీరల నాణ్యత అధ్వానంగా ఉండటంతో వాటిని ధరించడానికి మహిళలు ముఖం చాటేస్తున్నారు. దీంతో పడేయలేక ఇండ్ల ముందు కర్టెన్లు , పొలాలకు రక్షణగా ఉపయోగిస్తున్నారు. ఇప్పటికైనా అధికారులు స్పందించి నాసిరకం చీరలను సరఫరా చేసే కాంట్రాక్టర్లపై చర్యలు తీసుకోవాలని, నాణ్యమైన చీరలను అందించాలని మహిళలు కోరుతున్నారు.