భార్య నుంచి రక్షించండి

భార్య తరచూ తనను కొడుతున్నదని, న్యాయం చేయాలని ఓ వ్యక్తి అర్ధనగ్నంగా వచ్చి పోలీసులను ఆశ్రయించాడు. కామారెడ్డి జిల్లా బాన్సువాడలో ఆదివారం చోటు చేసుకున్న ఈ ఘటన ఆలస్యంగా వెలుగులోకి వచ్చింది.

• అర్ధనగ్నంగా ఠాణాకు బాధితుడు

బాన్సువాడ, మే 20: భార్య తరచూ తనను కొడుతున్నదని, న్యాయం చేయాలని ఓ వ్యక్తి అర్ధనగ్నంగా వచ్చి పోలీసులను ఆశ్రయించాడు. కామారెడ్డి జిల్లా బాన్సువాడలో ఆదివారం చోటు చేసుకున్న ఈ ఘటన ఆలస్యంగా వెలుగులోకి వచ్చింది. పట్టణ సీఐ కృష్ణ వివరాల ప్రకారం.. బాన్సువాడకు చెందిన ఓ వ్యక్తి(50) చెడ్డిపై ఆదివారం పోలీస్‌స్టేషన్‌కు వచ్చాడు. అర్ధనగ్నంగా ఉన్న ఆయనను చూసి పోలీసులు అవాక్కయ్యారు. తన భార్య నిత్యం కొడుతున్నదని, తనకు న్యాయం చేయాలని పోలీసులను వేడుకున్నాడు. ముందుగా దవాఖానకు వెళ్లి చూయించుకుని రావాలని పోలీసులు అతడికి సూచించారు. కాసేపటికే ఆయన కూతురు వచ్చి అతడిని ఇంటికి తీసుకెళ్లింది.