Telangana | ఆ వాహనాలకు హై సెక్యూరిటీ నంబర్‌ ప్లేట్లు తప్పనిసరి.. సెప్టెంబర్‌ 30లోగా మార్చుకోవల్సిందే

రాష్ట్రంలో 2019 ఏప్రిల్‌ 1కి ముందు రిజిస్టర్‌ అయిన వాహనాలన్నీ కచ్చితంగా హై సెక్యూరిటీ రిజిస్ట్రేషన్‌ నంబర్‌ ప్లేట్లు(హెచ్‌ఎస్‌ఆర్‌పీ) అమర్చుకోవాలని రాష్ట్ర ప్రభుత్వం ఆదేశించింది. సెప్టెంబర్‌ 30 వరకు తుది గడువు విధించింది.

• 2019 ఏప్రిల్‌ 1కి ముందు రిజిస్టరైన వాహనాలన్నీ అమర్చుకోవాలి: రవాణాశాఖ ఉత్తర్వులు

Telangana | హైదరాబాద్‌, ఏప్రిల్‌ 9 (నమస్తేతెలంగాణ): రాష్ట్రంలో 2019 ఏప్రిల్‌ 1కి ముందు రిజిస్టర్‌ అయిన వాహనాలన్నీ కచ్చితంగా హై సెక్యూరిటీ రిజిస్ట్రేషన్‌ నంబర్‌ ప్లేట్లు(హెచ్‌ఎస్‌ఆర్‌పీ) అమర్చుకోవాలని రాష్ట్ర ప్రభుత్వం ఆదేశించింది. సెప్టెంబర్‌ 30 వరకు తుది గడువు విధించింది.

వాహన యజమానులు https//www.siam.in/లో దరఖాస్తు చేసుకోవచ్చని సూచించింది. టూ వీలర్స్‌కు రూ.320 నుంచి రూ.380, త్రీవీలర్స్‌కు రూ.350 నుంచి రూ.450, ఫోర్‌ వీలర్స్‌కు రూ.590 నుంచి రూ.700, కమర్షియల్‌ వా హనాలు రూ.600 నుంచి రూ.800 వరకు చెల్లించాలని రవాణాశాఖ బుధవారం రాత్రి జారీచేసిన ఉత్తర్వుల్లో పేర్కొంది. హైసెక్యూరిటీ నంబర్‌ ప్లేట్లు లేకపోతే వాహనాన్ని సీజ్‌ చేస్తామని హెచ్చరించింది.