కాలువలో నీళ్లు లేక వినాయక విగ్రహాలు ధ్వంసం

కరీంనగర్‌ జిల్లా హుజూరాబాద్‌లో గణేశ్‌ విగ్రహాల నిమజ్జనంలో సర్కార్‌ తీరుపై భక్తులు తీవ్రంగా మండిపడుతున్నారు. కాకతీయ కెనాల్‌లో ట్యాంకర్లతో నీటిని నింపినా అవి ఏ మూలకూ సరిపోక విగ్రహాలు మునగలేదు. దీంతో అధికారులు జేసీబీతో విగ్రహాలు పగులకొడుతుండటంపై భక్తులు ఆగ్రహం వ్యక్తంచేస్తున్నారు. విగ్రహాలను ధ్వంసం చేస్తున్న వీడియోలు సామాజిక మాధ్యమాల్లో చక్కర్లు కొట్టగా.. నెటిజన్లు కూడా తీవ్ర అసంతృప్తి వ్యక్తం చేస్తున్నారు.

• ఎస్‌ఎంలో వీడియోలు వైరల్‌
• భక్తుల మనోభావాలను దెబ్బ తీస్తారా?: ఎమ్మెల్యే కౌశిక్‌రెడ్డి

హుజూరాబాద్‌, సెప్టెంబర్‌ 24 : కరీంనగర్‌ జిల్లా హుజూరాబాద్‌లో గణేశ్‌ విగ్రహాల నిమజ్జనంలో సర్కార్‌ తీరుపై భక్తులు తీవ్రంగా మండిపడుతున్నారు. కాకతీయ కెనాల్‌లో ట్యాంకర్లతో నీటిని నింపినా అవి ఏ మూలకూ సరిపోక విగ్రహాలు మునగలేదు. దీంతో అధికారులు జేసీబీతో విగ్రహాలు పగులకొడుతుండటంపై భక్తులు ఆగ్రహం వ్యక్తంచేస్తున్నారు. విగ్రహాలను ధ్వంసం చేస్తున్న వీడియోలు సామాజిక మాధ్యమాల్లో చక్కర్లు కొట్టగా.. నెటిజన్లు కూడా తీవ్ర అసంతృప్తి వ్యక్తం చేస్తున్నారు.

భక్తుల మనోభావాలతో ఆటలా?: ఎమ్మెల్యే కౌశిక్‌రెడ్డి

హుజూరాబాద్‌లో జరిగిన వినాయక నిమజ్జన కార్యక్రమంలో అధికారులు భక్తుల మనోభావాలను దెబ్బతీసేలా ప్రవర్తించారని ఎమ్మెల్యే పాడి కౌశిక్‌రెడ్డి గురువారం ఓ ప్రకటనలో ఆవేదన వ్యక్తంచేశారు. గణేశ్‌ విగ్రహాలను జేసీబీలతో ఒకదానిపై మరొకటి వేసి ముకలు చేయడం అత్యంత బాధాకరమని పేర్కొన్నారు. నిమజ్జనం కోసం కనీసం 3వేల క్యూసెకుల నీటిని విడుదల చేయాలని మంత్రులను, ఇరిగేషన్‌ శాఖ ఉన్నతాధికారులు, కలెక్టర్‌ను పలుసార్లు కోరినా పట్టించుకోకపోవడం.. ఇప్పుడు నీళ్లు లేవని విగ్రహాలను ధ్వంసం చేయడమేందని ప్రశ్నించారు.