ఎంజీఎం దవాఖానకు నిధులు ఖర్చు చేస్తలే

వరంగల్‌ ఎంజీఎం దవాఖానకు నిధులు ఖర్చు చేయడంలేదని కాంగ్రెస్‌ వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అంగీకరించారు. త్వరలోనే వరంగల్‌ సూపర్‌స్పెషాలిటీ హాస్పిటల్‌ ప్రారంభం అవుతుంది కదా.. అందుకే నిధులు ఖర్చు చేయడంలేదని పేర్కొన్నారు.

• దవాఖాన దుస్థితికి కొందరు వైద్యుల నిర్లక్ష్యమూ కారణమే
• కాంగ్రెస్‌ ఎమ్మెల్యే నాయిని

హనుమకొండ చౌరస్తా, సెప్టెంబర్‌ 22 : వరంగల్‌ ఎంజీఎం దవాఖానకు నిధులు ఖర్చు చేయడంలేదని కాంగ్రెస్‌ వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అంగీకరించారు. త్వరలోనే వరంగల్‌ సూపర్‌స్పెషాలిటీ హాస్పిటల్‌ ప్రారంభం అవుతుంది కదా.. అందుకే నిధులు ఖర్చు చేయడంలేదని పేర్కొన్నారు. అందుకే ఎంజీఎం దవాఖానకు ఈ దుస్థితి పట్టిందన్నారు. మంగళవారం ఆయన హనుమకొండలో మీడియాతో మాట్లాడారు. వరంగల్‌ ఎంజీఎం దవాఖాన శిథిలావస్థకు చేరి పెచ్చులూడుతున్నాయని, దవాఖానకు కావాల్సిన వసతులు, సౌకర్యాలు కల్పించడంలేదని, నిధులు ఖర్చు చేయడంలేదని పేర్కొన్నారు.

వచ్చేనెల సీఎం రేవంత్‌ చేతుల మీదుగా సూపర్‌ స్పెషాలిటీ హాస్పిటల్‌ ప్రారంభించేందుకు ఏర్పాట్లు చేస్తున్నట్టు చెప్పారు. కొందరు డాక్టర్ల స్వార్థంతో ఎంజీఎం నిర్లక్ష్యానికి గురవుతున్నదని, దవాఖానలో వైద్యు లు అందుబాటులో ఉండటంలేదని విస్మయం వ్యక్తంచేశారు. గతంలో ఇన్‌స్పెక్షన్‌ చేసినప్పుడు.. వైద్యులు రావడంలేదని, ప్రైవేట్‌ క్లినిక్‌లోనే ఎక్కువగా ఉంటున్నారనే విషయాన్ని గుర్తించినట్టు చెప్పారు. ప్రస్తుతం ప్రారంభించనున్న సూపర్‌ స్పెషాలిటీ హాస్పిటల్‌లో ఇలాంటి పొరపాట్లు జరుగకుండా స్పెషల్‌ ఆఫీసర్‌గా ఒక ఐఏఎస్‌ను నియమించాల్సిన అవసరం ఉన్నదని సూచించారు.