Fire Accident | హెటిరో ల్యాబ్స్‌లో అగ్ని ప్రమాదం.. !

Fire Accident | సంగారెడ్డి జిల్లా గడ్డిపోతారం వద్ద గల హెటిరో ల్యాబ్స్‌లో సోమవారం భారీ అగ్ని ప్రమాదం చోటు చేసుకున్నది.

Fire Accident | సంగారెడ్డి జిల్లా గడ్డిపోతారం వద్ద గల ప్రముఖ ఫార్మా కంపెనీ హెటిరో ల్యాబ్స్‌లో సోమవారం మధ్యాహ్నం మూడు గంటలకు భారీ అగ్ని ప్రమాదం చోటు చేసుకున్నది. ఎటువంటి ప్రాణ నష్టం జరుగలేదని తెలుస్తున్నది. అయితే కంపెనీకి భారీగా నష్టం జరిగినట్లు అధికార వర్గాల కథనం.

ఇక ల్యాబ్ నుంచి భారీగా మంటలు ఎగసి పడుతుండటంతో పరిసర ప్రాంతాల్లో దట్టమైన పొగ అలముకున్నది. ఒక్కసారిగా మంటలు ఎగసి పడుతుండటంతో స్థానికులు భయబ్రాంతులకు గురయ్యారు. ఈ సమాచారం తెలిసి వెంటనే అక్కడికి చేరుకున్న అగ్ని మాపక దళ సిబ్బంది ఘటనా స్థలానికి చేరుకుని నాలుగు ఫైరింజన్లతో మంటలు ఆర్పివేయడానికి ప్రయత్నిస్తున్నారు. మరోవైపు, హెటిరో ల్యాబ్స్ యాజమాన్యం కూడా సొంత అగ్ని మాపక వ్యవస్థలతో మంటలు ఆర్పివేసేందుకు ప్రయత్నించారు. అయితే, హెటిరో ల్యాబ్స్‌లో అగ్ని ప్రమాదం సంభవించడానికి కారణాలు తెలియరాలేదు. స్థానిక పోలీసులు కేసు నమోదు చేసుకుని దర్యాప్తు చేశారు.