గిరిజన బిడ్డ ఐఐటీకి ఆర్థిక సాయం

పాట్నా ఐఐటీలో సీటు సాధించిన సిరిసిల్ల జిల్లా వీర్నపల్లి మండలం గోనేనాయక్‌ తండా విద్యార్థిని బాదావత్‌ మధులత ఆర్థిక పరిస్థితులపై మీడియాలో వచ్చిన కథనాలకు సీఎం రేవంత్‌రెడ్డి స్పందించారు.

హైదరాబాద్‌, జూలై 25 (నమస్తే తెలంగాణ): పాట్నా ఐఐటీలో సీటు సాధించిన సిరిసిల్ల జిల్లా వీర్నపల్లి మండలం గోనేనాయక్‌ తండా విద్యార్థిని బాదావత్‌ మధులత ఆర్థిక పరిస్థితులపై మీడియాలో వచ్చిన కథనాలకు సీఎం రేవంత్‌రెడ్డి స్పందించారు. సీఎం ఆదేశం మేరకు గిరిజనశాఖ అధికారులు మధులత కుటుంబాన్ని హైదరాబాద్‌కు తీసుకొచ్చారు.

సచివాలయంలో గిరిజనశాఖ కార్యదర్శి శరత్‌ విద్యార్థినికి రూ.1,51,831 చెకు అందజేశారు. హైఎండ్‌ కంప్యూటర్‌ కోసం ఇప్పుడిచ్చిన రూ.70 వేలకు అదనంగా మరో రూ.30 వేలు ఇస్తామని హామీ ఇచ్చారు. కార్యక్రమంలో ట్రీకార్‌ చైర్మన్‌ బెల్లయ్యనాయక్‌, అధికారులు పాల్గొన్నారు.