కరెంట్‌ షాక్‌తో రైతు మృతి

ప్రమాదవశాత్తు విద్యుత్తు షాక్‌ తగిలి రైతు మృతి చెందిన ఘటన కామారెడ్డి జిల్లా ఎల్లారెడ్డి మండలం జంగమాయిపల్లి గ్రామంలో ఆదివారం చోటుచేసుకున్నది.

ఎల్లారెడ్డి రూరల్‌, జూన్‌ 30: ప్రమాదవశాత్తు విద్యుత్తు షాక్‌ తగిలి రైతు మృతి చెందిన ఘటన కామారెడ్డి జిల్లా ఎల్లారెడ్డి మండలం జంగమాయిపల్లి గ్రామంలో ఆదివారం చోటుచేసుకున్నది. ఎస్సై బొజ్జ మహేశ్‌ తెలిపిన వివరాల ప్రకారం.. జంగమాయిపల్లికి చెందిన రైతు పూజారి హనుమయ్య(62) ఆదివారం ఉదయం గ్రామశివారులోని తన పొలంలో నాటువేసేందుకు వెళ్లాడు.

మధ్యాహ్నం 2 గంటల సమయంలో పొలానికి సరిపోయేంత నీరు ఉండటంతో బోరు మోటర్‌ ఆఫ్‌ చేసేందుకు వెళ్లాడు. స్టార్టర్‌ స్విచ్‌ ఆఫ్‌ చేస్తుండగా ప్రమాదవశాత్తు విద్యుత్తు షాక్‌ తగలడంతో అక్కడికక్కడే మృతి చెందాడు.