9999 కోసం 22 లక్షలు

వాహన ఫ్యాన్సీ నంబర్ల ఎంపికకు డిమాండ్‌ భారీగా పెరుగుతున్నది. ఖరీదైన కార్లు, బైకులను కొన్న యజమానులు వాటి కోసం నచ్చిన నంబర్లు (ఫ్యాన్సీ నంబర్లు) పొందడానికి ఎంత ఖర్చు చేయడానికైనా వెనుకాడటం లేదు. తద్వారా రవాణాశాఖకు ఆదాయం దండిగా వస్తున్నది.

• ఫ్యాన్సీ నంబర్‌కు భారీ డిమాండ్‌
• వేలంలో ఒక్కరోజే ఆర్టీఏకు 53.34 లక్షల ఆదాయం

హైదరాబాద్‌/సిటీబ్యూరో, ఆగస్టు 8 (నమస్తే తెలంగాణ): వాహన ఫ్యాన్సీ నంబర్ల ఎంపికకు డిమాండ్‌ భారీగా పెరుగుతున్నది. ఖరీదైన కార్లు, బైకులను కొన్న యజమానులు వాటి కోసం నచ్చిన నంబర్లు (ఫ్యాన్సీ నంబర్లు) పొందడానికి ఎంత ఖర్చు చేయడానికైనా వెనుకాడటం లేదు. తద్వారా రవాణాశాఖకు ఆదాయం దండిగా వస్తున్నది.

ఖైరతాబాద్‌ ఆర్టీఏ కార్యాలయంలో నిర్వహించిన ఫ్యాన్సీ నంబర్ల వేలంలో ఒక్కరోజే రూ. 53,34,894 ఆదాయం వచ్చినట్టు జాయింట్‌ ట్రాన్స్‌పోర్ట్‌ కమిషనర్‌ పాండురంగ్‌నాయక్‌ మంగళవారం వెల్లడించారు. టీఎస్‌09జీసీ 9999 నంబర్‌ రూ.21.60 లక్షలకు హైదరాబాద్‌ జూబ్లీహిల్స్‌కు చెందిన ప్రైమ్‌ సోర్స్‌ గ్లోబల్‌ ప్రైవేట్‌ లిమిటెడ్‌ సంస్థ దక్కించుకున్నది. టీఎస్‌ 09 జీడీ 0009ను మెఘా ఇంజినీరింగ్‌ ఇన్‌ఫ్రాస్ట్రక్చర్స్‌ రూ.10.50 లక్షలకు కైవసం చేసుకున్నది.