‘ఉద్యోగుల బకాయి బిల్లులు చెల్లించండి’

ఉద్యోగులు, ఉపాధ్యాయులకు సంబంధించిన బకాయి బిల్లులను వెంటనే విడుదల చేయాలని కోరుతూ ఉద్యోగ సంఘాల ప్రతినిధులు బుధవారం ప్రభుత్వానికి విజ్ఞప్తి చేశారు.

హైదరాబాద్‌, నవంబర్‌ 11 (నమస్తే తెలంగాణ): ఉద్యోగులు, ఉపాధ్యాయులకు సంబంధించిన బకాయి బిల్లులను వెంటనే విడుదల చేయాలని కోరుతూ ఉద్యోగ సంఘాల ప్రతినిధులు బుధవారం ప్రభుత్వానికి విజ్ఞప్తి చేశారు. ఉద్యోగుల జాయింట్‌ యాక్షన్‌ కమిటీ చైర్మన్‌ వీ లచ్చిరెడ్డి, తహసీల్దార్ల సంఘం రాష్ట్ర అధ్యక్షులు ఎస్‌ రాములు, ప్రధాన కార్యదర్శి రమేశ్‌ పాక తదితరులు సచివాలయంలో ఆర్థికశాఖ ముఖ్య కార్యదర్శి సందీప్‌కుమార్‌ సుల్తానియాను కలిసి వినతిపత్రం అందజేశారు. ఉద్యోగ సంఘాల వినతిపై ఆర్థికశాఖ ముఖ్య కార్యదర్శి సానుకూలంగా స్పందించారు. ఉన్నతాధికారి నుంచి హామీ లభించడంతో ఉద్యోగ, ఉపాధ్యాయవర్గాలు హర్షం వ్యక్తం చేశాయి.