పట్టభద్రుల ఎన్నికల్లో కాంగ్రెస్‌కు ఓటమి తప్పదు

త్వరలో జరగనున్న పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీకి ఓటమి తప్పదని మాజీ ఎమ్మెల్యే చిరుమర్తి లింగయ్య అన్నారు. గత అసెంబ్లీ ఎన్నికల సమయంలో 420 హామీలు ఇచ్చి ఏ ఒక్కటీ అమలు చేయకుండా కాంగ్రెస్‌ అన్ని వర్గాలను మోసం చేసిందని ఆరోపించారు.

• మాజీ ఎమ్మెల్యే చిరుమర్తి లింగయ్య

నార్కట్‌పల్లి, అక్టోబర్‌ 30 : త్వరలో జరగనున్న పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీకి ఓటమి తప్పదని మాజీ ఎమ్మెల్యే చిరుమర్తి లింగయ్య అన్నారు. గత అసెంబ్లీ ఎన్నికల సమయంలో 420 హామీలు ఇచ్చి ఏ ఒక్కటీ అమలు చేయకుండా కాంగ్రెస్‌ అన్ని వర్గాలను మోసం చేసిందని ఆరోపించారు.

నల్లగొండ-వరంగల్‌- ఖమ్మం పట్టభద్రుల ఎమ్మెల్సీ ఎన్నికల్లో గులాబీ పార్టీ సత్తా చాటి రేవంత్‌రెడ్డి ప్రభుత్వానికి గుణపాఠం చెప్పాలని బీఆర్‌ఎస్‌ శ్రేణులకు పిలుపునిచ్చారు. శుక్రవారం నల్లగొండ జిల్లా నా ర్కట్‌పల్లిలో పట్టభద్రుల ఎమ్మెల్సీ ఓట రు నమోదు సన్నాహక సమావేశంలో ఆయన మాట్లాడారు. ప్రజలందరూ కేసీఆర్‌ రాక కోసం ఎదురుచూస్తున్నారని తెలిపారు.