బ్రాహ్మణులను పట్టించుకోని కాంగ్రెస్‌ ప్రభుత్వం

రాష్ట్ర ప్రభుత్వం బ్రాహ్మణులను పట్టించుకోవడం లేదని బీజేపీ రాష్ట్ర ఉపాధ్యక్షుడు ఎన్వీఎస్‌ఎస్‌ ప్రభాకర్‌ విమర్శించారు. బుధవారం ఆయన బీజేపీ రాష్ట్ర కార్యాలయంలో మీడియాతో మాట్లాడారు.

• బీజేపీ రాష్ట్ర ఉపాధ్యక్షుడు ఎన్వీఎస్‌ఎస్‌ ప్రభాకర్‌

హైదరాబాద్‌, జూలై 17 (నమస్తే తెలంగాణ): రాష్ట్ర ప్రభుత్వం బ్రాహ్మణులను పట్టించుకోవడం లేదని బీజేపీ రాష్ట్ర ఉపాధ్యక్షుడు ఎన్వీఎస్‌ఎస్‌ ప్రభాకర్‌ విమర్శించారు. బుధవారం ఆయన బీజేపీ రాష్ట్ర కార్యాలయంలో మీడియాతో మాట్లాడారు.

సీఎం రేవంత్‌ బ్రాహ్మణులు, వేద పండితులను పట్టించుకోవడం లేదని, బ్రాహ్మణ పరిషత్‌ ద్వారా విదేశాలకు వెళ్లిన విద్యార్థులకు నిధులు విడుదల చేయడంలేదని, బ్రాహ్మణులకు స్వయం ఉపాధి కింద రుణసౌకర్యం ఇస్తామని చెప్పి మోసం చేశారని, వేద పాఠశాలలకు సహకారం అందించడంలేదని ఆరోపించారు.

వచ్చే బడ్జెట్‌లో బ్రాహ్మణ పరిషత్‌కు తగినన్ని నిధులు కేటాయించాలని డిమాండ్‌ చేశారు. గతంలో ఏ ప్రభుత్వం కూడా స్వయంభూ దేవాలయాల వద్ద పూజారులను బదిలీ చేయలేదని చెప్పారు. దేవాలయాల్లో తల దూర్చవద్దని సీఎంకు హితవు పలికారు.