కాంగ్రెస్‌ మాట నిలబెట్టుకోవాలి

కేసీఆర్‌ ప్రభుత్వం తీసుకొచ్చిన కల్యాణలక్ష్మి, షాదీముబారక్‌ పథకాల కింద రూ.లక్ష చెక్కుతో పాటు తులం బంగారం ఇస్తామన్న హామీని కాంగ్రెస్‌ నిలబెట్టుకోవాలని మాజీ మంత్రి, బాల్కొండ ఎమ్మెల్యే వేముల ప్రశాంత్‌రెడ్డి డిమాండ్‌ చేశారు.

• ‘కల్యాణలక్ష్మి’తో పాటు తులం బంగారం ఇవ్వాల్సిందే
• మాజీ మంత్రి వేముల ప్రశాంత్‌రెడ్డి

భీమ్‌గల్‌, జూలై 15: కేసీఆర్‌ ప్రభుత్వం తీసుకొచ్చిన కల్యాణలక్ష్మి, షాదీముబారక్‌ పథకాల కింద రూ.లక్ష చెక్కుతో పాటు తులం బంగారం ఇస్తామన్న హామీని కాంగ్రెస్‌ నిలబెట్టుకోవాలని మాజీ మంత్రి, బాల్కొండ ఎమ్మెల్యే వేముల ప్రశాంత్‌రెడ్డి డిమాండ్‌ చేశారు. సోమవారం నిజామాబాద్‌ జిల్లా భీమ్‌గల్‌లో 136 మంది లబ్ధిదారులకు కల్యాణలక్ష్మి, షాదీముబారక్‌ చెక్కులను వేముల పంపిణీ చేసి మాట్లాడారు. ఎన్నికల్లో గెలిచేందుకు రేవంత్‌రెడ్డి బంగారం ఇస్తామని చెప్పారని, నెలలు గడిచిపోతున్నా ఇంకా ఇవ్వడం లేదన్నారు. వీఆర్‌ఏల సమస్యలను ప్రభుత్వం దృష్టికి తీసుకెళ్లి పరిష్కరించేందుకు కృషి చేస్తానని హామీ ఇచ్చారు.