Revanth Reddy | స‌చివాల‌యంలోకి నార్త్ గేట్ నుంచి ఎంట్రీ ఇచ్చిన రేవంత్ రెడ్డి.. వీడియో

Revanth Reddy | తెలంగాణ రాష్ట్ర స‌చివాల‌యంలో ప‌లు వాస్తు మార్పులు చేప‌ట్టిన‌ట్లు వారం రోజుల క్రితం వార్త‌లు వ‌చ్చిన సంగ‌తి తెలిసిందే. ప్ర‌ధానంగా రాక‌పోక‌ల మార్గాల‌కు సంబంధించిన వాస్తు ప్ర‌కారం మార్పులు చేసిన‌ట్లు స‌మాచారం. అయితే ఈ వాస్తు మార్పుల‌కు మంగ‌ళ‌వారం సీఎం రేవంత్ రెడ్డి స‌చివాల‌యంలోకి ఎంట్రీ ఇచ్చిన వీడియోనే సాక్ష్యం.

Revanth Reddy | హైద‌రాబాద్ : తెలంగాణ రాష్ట్ర స‌చివాల‌యంలో ప‌లు వాస్తు మార్పులు చేప‌ట్టిన‌ట్లు వారం రోజుల క్రితం వార్త‌లు వ‌చ్చిన సంగ‌తి తెలిసిందే. ప్ర‌ధానంగా రాక‌పోక‌ల మార్గాల‌కు సంబంధించిన వాస్తు ప్ర‌కారం మార్పులు చేసిన‌ట్లు స‌మాచారం. అయితే ఈ వాస్తు మార్పుల‌కు మంగ‌ళ‌వారం సీఎం రేవంత్ రెడ్డి స‌చివాల‌యంలోకి ఎంట్రీ ఇచ్చిన వీడియోనే సాక్ష్యం.

నిన్న మొన్న‌టి వ‌ర‌కు సీఎం రేవంత్ రెడ్డి.. సింహ ద్వారం నుంచి స‌చివాల‌యానికి వెళ్లేవారు. కానీ మంగ‌ళ‌వారం మాత్రం సింహ ద్వారాన్ని మూసేశారు పోలీసులు. ఎన్టీఆర్ గార్డెన్‌కు అనుకొని ఉన్న నార్త్ గేట్ నుంచి స‌చివాల‌యంలోకి రేవంత్ రెడ్డి ఎంట్రీ ఇచ్చారు. ప్ర‌స్తుతం ఈ వీడియో సోష‌ల్ మీడియాలో వైర‌ల్ అవుతోంది.

ఇక ముఖ్యమంత్రి కార్యాలయం ప్రస్తుతం 6వ అంతస్తులో ఉంది. దీన్ని ఇప్పుడు 9వ అంతస్తులోకి మార్చేందుకు పనులు చేపడుతున్న‌ట్లు తెలిసింది. ఆగ్నేయ ద్వారం నుంచి ఐఏఎస్, ఐపీఎస్, ఇతర ఉన్నతాధికారుల రాకపోకలు కొనసాగేలా ప్రభుత్వం మార్పులు చేస్తున్నట్లు విశ్వసనీయ వర్గాల నుంచి సమాచారం. సచివాలయం లోపల కూడా పలు మార్పులు చేపట్టినట్లు సమాచారం.

వాస్తు ప్రకారం సచివాలయంలో రూటు మార్చిన రేవంత్ రెడ్డి

వాస్తులో భాగంగా సచివాలయం సింహ ద్వారం మూసి వేసి నార్త్ గేటు నుండి ఎంట్రీ ఇచ్చిన రేవంత్ రెడ్డి pic.twitter.com/f7vSkmmMb9

— Telugu Scribe (@TeluguScribe) June 11, 2024