Foxconn | ఫాక్స్ కాన్ పెట్టుబ‌డుల‌పై సీఎం కేసీఆర్ హ‌ర్షం.. ల‌క్ష ఉద్యోగాల క‌ల్ప‌న గొప్ప విష‌యం

Foxconn |  హైద‌రాబాద్ : రాష్ట్రంలో భారీ పెట్టుబ‌డులు పెట్ట‌బోతున్న ఫాక్స్ కాన్ సంస్థ‌కు ముఖ్య‌మంత్రి కేసీఆర్( CM KCR ) ధ‌న్య‌వాదాలు తెలిపారు. ఉత్ప‌త్తి కార్య‌క‌లాపాల‌కు రాష్ట్రాన్ని గ‌మ్య‌స్థానంగా ఎంచుకోవ‌డం ప‌ట్ల కేసీఆర్ హర్షం వ్య‌క్తం చేశారు.

Foxconn |  హైద‌రాబాద్ : రాష్ట్రంలో భారీ పెట్టుబ‌డులు పెట్ట‌బోతున్న ఫాక్స్ కాన్ సంస్థ‌కు ముఖ్య‌మంత్రి కేసీఆర్( CM KCR ) ధ‌న్య‌వాదాలు తెలిపారు. ఉత్ప‌త్తి కార్య‌క‌లాపాల‌కు రాష్ట్రాన్ని గ‌మ్య‌స్థానంగా ఎంచుకోవ‌డం ప‌ట్ల కేసీఆర్ హర్షం వ్య‌క్తం చేశారు. ఎల‌క్ట్రానిక్స్ ఉత్ప‌త్తి రంగం ముఖ‌చిత్రం మార్చిన గొప్ప సంస్థ ఫాక్స్ కాన్ అని కేసీఆర్ పేర్కొన్నారు. రాష్ట్రంలో ఫాక్స్ కాన్‌కు స‌హాయ స‌హ‌కారాల‌ను ప్ర‌భుత్వం అందిస్తుంద‌ని స్ప‌ష్టం చేశారు. భారీ పెట్టుబ‌డితో ల‌క్ష‌కు పైగా ఉద్యోగాల క‌ల్ప‌నకు అవకాశం రావ‌డం గొప్ప విష‌య‌మ‌న్నారు.

ప్రత్యక్షంగా, పరోక్షంగా స్థానిక యువతకు పెద్ద ఎత్తున ఉద్యోగ, ఉపాధి అవకాశాలు లభించనున్నాయి. ఎలక్ట్రానిక్స్ రంగంలో దేశంలోకి వచ్చిన అతిపెద్ద, ముఖ్యమైన పెట్టుబడి ఇది. ఒకే సంస్థ ద్వారా లక్షమందికి నేరుగా ఉద్యోగాలు కల్పించనుండడం ద్వారా ఒక అరుదైన ఘనతను తెలంగాణ ప్రభుత్వం సాధించింది అని కేసీఆర్ పేర్కొన్నారు.

రాష్ట్రంలోని పారిశ్రామిక అనుకూల వాతావ‌ర‌ణంపై ఫాక్స్ కాన్ చైర్మ‌న్ యంగ్ లీయూ( Young Liu ) ప్ర‌శంస‌లు కురిపించారు. రాష్ట్రం గురించి త‌మ సంస్థ విస్తృతంగా అధ్య‌య‌నం చేసింద‌ని ఫాక్స్ కాన్ చైర్మ‌న్ తెలిపారు.

ఈ సందర్భంగా తెలంగాణలో పెట్టుబడులు పెట్టేందుకు ఫాక్స్ కాన్ కంపెనీకి, రాష్ట్ర ప్రభుత్వానికి నడుమ ఒప్పందం కుదిరింది. ఈ ఒప్పందం ద్వారా Hon Hai Foxconn సంస్థ రాష్ట్రంలో ఎలక్ట్రానిక్స్ ఉత్పత్తుల పరిశ్రమను నెలకొల్పేందుకు మార్గం సుగమమైంది. తద్వారా ఒక లక్ష ఉద్యోగాల కల్పనకు దారులు వేసింది. pic.twitter.com/mijPyoP0TP

— Telangana CMO (@TelanganaCMO) March 2, 2023