టీ శాట్‌లో టెట్‌పై తరగతులు

ఉపాధ్యాయ అర్హత పరీక్ష(టెట్‌) పరీక్షకు సన్నద్ధమయ్యే వారికోసం ప్రత్యేక తరగతులు ప్రసారం చేయనున్నట్టు టీ శాట్‌ సీఈవో బీ వేణుగోపాల్‌రెడ్డి ప్రకటనలో తెలిపారు.

హైదరాబాద్‌, మే 4 (నమస్తే తెలంగాణ) : ఉపాధ్యాయ అర్హత పరీక్ష(టెట్‌) పరీక్షకు సన్నద్ధమయ్యే వారికోసం ప్రత్యేక తరగతులు ప్రసారం చేయనున్నట్టు టీ శాట్‌ సీఈవో బీ వేణుగోపాల్‌రెడ్డి ప్రకటనలో తెలిపారు. 50 రోజులపాటు 200 గంటలు ప్రత్యేక ప్రసారాలు అందుబాటులో ఉంటాయని పేర్కొన్నారు.

ఈ నెల 6న ఉదయం 11 గంటలకు నలుగురు సబ్జెక్టు నిపుణులతో లైవ్‌ కార్యక్రముంటుందని, అభ్యర్థుల సందేహాలను నివృత్తిచేస్తామని తెలిపారు. సందేహాల నివృత్తి కోసం 040-23540326/726 1800 425 4039 నంబర్లను సంప్రదించాలని సూచించారు.