ఇసుక అక్రమ రవాణాను అడ్డుకున్న చిట్టెం

నారాయణపేట జిల్లా మాగనూరు మండలంలోని పెద్దవాగు నుంచి ఇసుక అక్రమంగా తరలుతుంటే బీఆర్‌ఎస్‌ నేతలతో కలిసి మాజీ ఎమ్మెల్యే చిట్టెం రామ్మోహన్‌రెడ్డి అడ్డుకొన్నారు.

• పెద్దవాగులోకి వెళ్లి రాఘవ కన్‌స్ట్రక్షన్‌ సిబ్బందిని నిలదీసిన మాజీ ఎమ్మెల్యే

మాగనూరు, మే 9 : నారాయణపేట జిల్లా మాగనూరు మండలంలోని పెద్దవాగు నుంచి ఇసుక అక్రమంగా తరలుతుంటే బీఆర్‌ఎస్‌ నేతలతో కలిసి మాజీ ఎమ్మెల్యే చిట్టెం రామ్మోహన్‌రెడ్డి అడ్డుకొన్నారు. వాగులోకి వెళ్లి ఇక్కడి నుంచి ఇసుక అనుమతి లేకుండా ఎలా తరలిస్తున్నారని రాఘవ కన్‌స్ట్రక్షన్స్‌ సిబ్బందిని నిలదీశారు. రెండో శనివారం సెలవురోజు కావడంతో పర్మిషన్‌ లేకుండా ఇసుక తరలిస్తుంటే మీరేం చేస్తున్నారని ఎస్సై అశోక్‌బాబును ప్రశ్నించారు. బీఆర్‌ఎస్‌ మాగనూర్‌ నాయకులు సదరు హిటాచీని పీఎస్‌కు తరలించేందుకు హైవేపైకి తీసుకురావడంతో పోలీసులు వచ్చి రోడ్డుపై హిటాచీ నడపరాదంటూ నిలిపివేయించారు. అక్కడి నుంచి తిరిగి వాగులోకి పంపించి వేశారు. హిటాచీపై కేసు నమోదు చేయాలంటూ బీఆర్‌ఎస్‌ నేతలు పోలీసులకు ఫిర్యాదు చేశారు.