సుబేదారి, డిసెంబర్ 16 : వరంగల్ నగరంలో పార్కింగ్ చేసిన కారు చోరీ జరిగింది. మట్టెవాడ పోలీస్ స్టేషన్ పరిధిలోని ఈ ఘటన చోటుచేసుకొన్నది. వివరాల్లోకెళ్తే… ములుగురోడ్డు హనుమాన్ జంక్షన్-ఆటోనగర్ ప్రధాన రోడ్డులోని స్నేహితుడి ఇంటి ఖాళీ స్థలంలో మెట్టు జయపాల్రెడ్డి కొద్ది రోజుల క్రితం తన ఇండికా కారు రిపేరుకు రావడంతో పార్కింగ్ చేశాడు. ఈ కారును ఆటోనగర్లో వాహనాల స్క్రాప్ షాపు నిర్వహిస్తున్న ఫయాజ్ గమనించాడు.
రెండు రోజుల క్రితం రాత్రి వేళ క్రేన్తో తన షాపునకు తీసుకొచ్చి, స్క్రాప్చేసి విడిభాగాలను అమ్మేశాడు. బాధితుడు జయపాల్రెడ్డి ఫిర్యాదు మేరకు పోలీసులు పార్కింగ్ చేసిన స్థలం, రోడ్డులో ఉన్న సీసీ కెమెరాలను పరిశీలించారు. కారును క్రేన్తో ఆటోనగర్కు తీసుకువెళ్లినట్లు సీసీ కెమెరాల ఫుటేజీలో రికార్డు అయ్యాయి. ఫయాజ్ను పోలీసులు అరెస్టు చేశారు.