25న క్యాబినెట్‌ సమావేశం

రాష్ట్ర క్యాబినెట్‌ సమావేశం ఈ నెల 25న నిర్వహిస్తున్నట్టు శనివారం సీఎస్‌ శాంతి కుమారి ఉత్తర్వులు జారీ చేశారు. ఉదయం 9 గంటలకు అసెంబ్లీ కమిటీ హాల్‌లో సమావేశం జరుగనున్నది.

హైదరాబాద్‌, జూలై 20 (నమస్తే తెలంగాణ): రాష్ట్ర క్యాబినెట్‌ సమావేశం ఈ నెల 25న నిర్వహిస్తున్నట్టు శనివారం సీఎస్‌ శాంతి కుమారి ఉత్తర్వులు జారీ చేశారు. ఉదయం 9 గంటలకు అసెంబ్లీ కమిటీ హాల్‌లో సమావేశం జరుగనున్నది. ఈ సందర్భంగా రాష్ట్ర బడ్జెట్‌ను క్యాబినెట్‌ ఆమోదించనున్నది.

తార్నాక ‘ఆర్టీసీ’లో సీటీస్కాన్‌ సేవలు

హైదరాబాద్‌, జూలై 20 (నమస్తే తెలంగాణ): తార్నాకలోని ఆర్టీసీ దవాఖానలో నూతనంగా ఏర్పాటు చేసిన సీటీ సాన్‌, ఎమ్మారై పరీక్షాకేంద్రాలతోపాటు ఫిజియోథెరఫీ యూనిట్‌, ఆపరేషన్‌ థియేటర్‌ కాంప్లెక్స్‌, ఫార్మసీని రాష్ట్ర రవాణాశాఖ మంత్రి పొన్నం ప్రభాకర్‌ శనివారం ప్రారంభించారు. తొలుత దవాఖాన ప్రాంగణంలో మంత్రి మొకను నాటారు. కార్యక్రమంలో టీజీఎస్‌ఆర్టీసీ ఎండీ వీసీ సజ్జనార్‌, సంస్థ ఉన్నతాధికారులు పాల్గొన్నారు.