Visit:
శేరిలింగంపల్లి, ఆగస్టు 6 : మా భూములు మాకు కావాలంటూ తెలంగాణ ఉద్యోగ సంఘాల జేఏసీ అధ్వర్యంలో భాగ్యనగర్‌ టీఎన్జీవోలు చేపడుతున్న ఆందోళన బుధవారంతో 22వ రోజుకు చేరుకుంది. గచ్చిబౌలిలోని భాగ్యనగర్‌ టీఎన్జీవోల కార్యాలయం వద్ద పలువురు ఉద్యోగులు, పెన్షనర్లు రోజుకు ఓ తీరులో ఆందోళన చేపడుతూ తమకు న్యాయం చేయాలని డిమాండ్‌ చేస్తున్నారు.
ఇందులో భాగంగా బుధవారం ఉద్యోగులు బీటీఎన్జీవో లేఅవుట్‌ పార్క్‌లో నిరసన తెలిపారు. ప్లకార్డులు ప్రదర్శిస్తూ నినాదాలు చేశారు. సొసైటీ అధ్యక్షుడు ముత్యాల సత్యనారాయణ అధ్వర్యంలో కొనసాగుతున్న ఆందోళనలో రాజేశ్వర్‌రావు, మల్లారెడ్డి, శ్రీనివాస్‌, ప్రభాకర్‌ రెడ్డి, రషీదా బేగం, సంధ్య, నర్సింహారాజు, ఏక్‌నాథ్‌గౌడ్‌, నాయక్‌, దామోదర్‌ తదితరులు పాల్గొన్నారు.
