Lasya Nanditha | లాస్య నందిత కారు ప్రమాదానికి అసలు కారణం అదేనా?

ఎమ్మెల్యే లాస్య నందిత కారుకు శేఖర్‌ అనే డ్రైవర్‌ చాలాకాలంగా పనిచేస్తున్నాడు. అయితే ఈ నెల 13న జరిగిన రోడ్డు ప్రమాద సమయంలో శేఖర్‌కు బదులు మరో వ్యక్తి డ్రైవింగ్‌ చేశారు. తాజాగా శుక్రవారం జరిగిన రోడ్డు ప్రమాద సమయంలోనూ శేఖర్‌ డ్రైవింగ్‌ చేయలేదు. శుక్రవారం లాస్య నందిత కుటుంబసభ్యులు ప్రయాణిస్తున్న వాహనాన్ని శేఖర్‌ డ్రైవింగ్‌ చేయగా, ఆమె ప్రయాణిస్తున్న వాహనాన్ని ఆకాశ్‌ నడిపాడు.

• అసలు డ్రైవర్‌ను పక్కనబెట్టడంతోనే..!

Lasya Nanditha | హైదరాబాద్‌ సిటీబ్యూరో/కంటోన్మెంట్‌, ఫిబ్రవరి 23 (నమస్తే తెలంగాణ): ఎమ్మెల్యే లాస్య నందిత కారుకు శేఖర్‌ అనే డ్రైవర్‌ చాలాకాలంగా పనిచేస్తున్నాడు. అయితే ఈ నెల 13న జరిగిన రోడ్డు ప్రమాద సమయంలో శేఖర్‌కు బదులు మరో వ్యక్తి డ్రైవింగ్‌ చేశారు. తాజాగా శుక్రవారం జరిగిన రోడ్డు ప్రమాద సమయంలోనూ శేఖర్‌ డ్రైవింగ్‌ చేయలేదు. శుక్రవారం లాస్య నందిత కుటుంబసభ్యులు ప్రయాణిస్తున్న వాహనాన్ని శేఖర్‌ డ్రైవింగ్‌ చేయగా, ఆమె ప్రయాణిస్తున్న వాహనాన్ని ఆకాశ్‌ నడిపాడు.

లాస్య నందితకు దగ్గరి బంధువైన పీయూష్‌ రాఘవ అలియాస్‌ ఛోటు ద్వారా ఆకాశ్‌.. ఎమ్మెల్యే వద్ద పనిలో చేరాడు. ఇటీవల జరిగిన కానిస్టేబుల్‌ సెలెక్షన్లలో ఉద్యోగం కోసం ఎంపికయ్యాడు. ఇతనితో ఎంపికైన వారికి ఇటీవలే కానిస్టేబుల్‌ శిక్షణ ప్రారంభమైంది. తాను రెండో బ్యాచ్‌లో శిక్షణకు వెళ్లేందుకు సిద్ధమవుతున్నాడు. ఆకాశ్‌కు కారు డ్రైవింగ్‌ అంతంత మాత్రమే వచ్చని తెలుస్తున్నది. ఈ నేపథ్యంలో అతి వేగంగా ప్రయాణిస్తున్న కారు ముందు వెళ్తున్న లారీని ఢీకొనడం, ఆ సమయంలో వేగాన్ని నియంత్రించలేకపోవడంతో యువ ఎమ్మెల్యే ప్రమాదంలో చిక్కుకొని మృత్యువాత పడ్డారు.