Visit:
BRS Leaders Arrest | హైద‌రాబాద్ : రాష్ట్రంలో యూరియా కొర‌త తీర్చాలంటూ వ్య‌వ‌సాయ శాఖ క‌మిష‌న‌ర్ కార్యాల‌యం ముందు ధ‌ర్నాకు దిగిన బీఆర్ఎస్ ఎమ్మెల్యేలు, ఎమ్మెల్సీల‌తో పాటు ప‌లువురు నేత‌ల‌ను పోలీసులు అరెస్టు చేశారు. అనంత‌రం ఆయా పోలీసు స్టేష‌న్ల‌కు వారిని త‌ర‌లించారు. ఈ సంద‌ర్భంగా ప్ర‌భుత్వంపై బీఆర్ఎస్ నేత‌లు తీవ్ర‌స్థాయిలో మండిప‌డ్డారు.
అంత‌కుముందు వ్య‌వ‌సాయ శాఖ క‌మిష‌న‌ర్‌కు యూరియా కొర‌త‌పై బీఆర్ఎస్ ఎమ్మెల్యేలు, ఎమ్మెల్సీలు విన‌తిప‌త్రం అందించారు. యూరియా కొర‌త తీర్చాల‌ని, ఈ అంశాన్ని ప్రభుత్వం దృష్టికి తీసుకెళ్లాల‌ని క‌మిష‌న‌ర్‌కు బీఆర్ఎస్ నేత‌లు సూచించారు. మేం రాజ‌కీయాలు చేయ‌డం లేదు.. రైతుల త‌ర‌పున మాట్లాడుతున్నాం అని క‌మిష‌న‌ర్‌కు బీఆర్ఎస్ నేత‌లు స్ప‌ష్టం చేశారు.
యూరియా సంక్షోభానికి కారణం కాంగ్రెస్ పార్టీ అంటూ నినాదాలు చేశారు. పండగపూట కూడా రైతన్నలను రోడ్లపై నిలబెట్టింది ఈ ప్రభుత్వం అని ధ్వ‌జ‌మెత్తారు. “గణపతి బప్పా మోరియా – కావాలయ్యా యూరియా” అంటూ నినదించారు. రైతన్నలకు ఎరువులు సరఫరా చేయలేని కాంగ్రెస్ ప్రభుత్వం వెంటనే దిగిపోవాలని నినాదాలు చేశారు. రైతన్నలకు యూరియా వెంటనే సరఫరా చేయాలని డిమాండ్ చేశారు. “రేవంత్ దోషం – రైతన్నకు మోసం” అంటూ నినాదాలు చేశారు బీఆర్ఎస్ ఎమ్మెల్యేలు.
యూరియా కావాలని రైతుల పక్షాన ధర్నా చేస్తున్న బీఆర్ఎస్ ఎమ్మెల్యేలు, ఎమ్మెల్సీలు మరియు పార్టీ సీనియర్ నాయకులను అగ్రికల్చర్ కమిషనరేట్ కార్యాలయంలో అరెస్టు చేసి, తరలించిన పోలీసులు. pic.twitter.com/iI35XzfpVE
— BRS Party (@BRSparty) August 30, 2025
