RIMS Victims | రిమ్స్‌ బాధిత కుటుంబాలకు రూ. లక్షా ఆర్థిక సహాయం ప్రకటించిన బీఆర్‌ఎస్‌

RIMS Victims | పట్టణంలోని రిమ్స్‌ ఆసుపత్రి లో మృతి చెందిన చిన్నారుల కుటుంబాలకు ఒక్కో కుటుంబానికి రూ. ఒక లక్ష సహాయాన్నిబీఆర్‌ఎస్‌ అధిష్టానం ప్రకటించింది .

ఆదిలాబాద్‌ : పట్టణంలోని రిమ్స్‌ ఆసుపత్రి ( RIMS Hospital ) లో మృతి చెందిన చిన్నారుల కుటుంబాలకు ఒక్కో కుటుంబానికి రూ. ఒక లక్ష సహాయాన్ని( Financial Aid ) బీఆర్‌ఎస్‌ ( BRS ) అధిష్టానం ప్రకటించింది .

బుధవారం బీఆర్ఎస్ పార్టీ మహిళ బృందం సభ్యులు మాజీ మంత్రి సత్యవతి రాథోడ్, మాజీ మంత్రి జోగు రామన్న, ఆసిఫాబాద్ ఎమ్మెల్యే కోవ లక్ష్మీ, బోథ్ ఎమ్మెల్యే అనిల్ జాదవ్, తుల ఉమ , ఖానాపూర్ నియోజకవర్గ ఇన్‌చార్జి జాన్సన్ నాయక్ ఆదిలాబాద్ రిమ్స్ ఆసుపత్రిలో జరిగిన అగ్నిప్రమాద స్థలాన్ని , ప్రైవేటు ఆసుపత్రిలో చికిత్స పొందుతున్న చిన్నారులను పరామర్శించారు.

మృతి చెందిన చిన్నారుల కుటుంబ సభ్యులకు బీఆర్ఎస్ వర్కింగ్ ప్రెసిడెంట్ కేటీఆర్ ఆదేశానుసారం బీఆర్ఎస్ పార్టీ తరపున ఆర్థిక సహాయం అందజేస్తామని ప్రకటించారు. ప్రభుత్వం రూ. 25 లక్షల చొప్పున నష్ట పరిహారం అందించాలని డిమాండ్ చేశారు. ఈఘటనలో ఇప్పటి వరకు ఐదుగురు చిన్నారుల మృతి చెందగా మరికొందరు ఆసుపత్రిలో చికిత్సపొందుతున్నారు.