పదవి లేనప్పుడు బట్లర్‌.. పదవి రాగానే హిట్లర్‌!.. బూర

సీఎం రేవంత్‌రెడ్డి పదవి లేనప్పుడు బట్లర్‌ అని, పదవి రాగానే హిట్లర్‌ అయ్యారంటూ మాజీ ఎంపీ, బీజేపీ రాష్ట్ర ఉపాధ్యక్షుడు బూర నర్యయ్యగౌడ్‌ సెటైర్‌ వేశారు.

హైదరాబాద్‌, జూన్‌ 8 (నమస్తే తెలంగాణ): సీఎం రేవంత్‌రెడ్డి పదవి లేనప్పుడు బట్లర్‌ అని, పదవి రాగానే హిట్లర్‌ అయ్యారంటూ మాజీ ఎంపీ, బీజేపీ రాష్ట్ర ఉపాధ్యక్షుడు బూర నర్యయ్యగౌడ్‌ సెటైర్‌ వేశారు. ఈ మేరకు బీజేపీ రాష్ట్ర కార్యాలయంలో నిర్వహించిన మీడియా చిట్‌చాట్‌లో ఆయన మాట్లాడారు.

రేవంత్‌రెడ్డి తనకు హిట్లర్‌ స్ఫూర్తి అని చెప్పడం విచారకరమని పేర్కొన్నారు. తెలంగాణ ప్రజలు గత 66 ఏండ్లుగా పరాయి పాలనలో మగ్గిపోయారని, పరాయి పాలన నుంచి విముక్తి కోసం మూడు తరాలు పోరాటాలు చేశాయని, ఎందరో తమ ప్రాణాలను అర్పించాల్సి వచ్చిందని ఆవేదన వ్యక్తంచేశారు. రాష్ట్ర ప్రజలు ఇప్పటికైనా హిట్లర్‌ మనస్తత్వం ఉన్న కాంగ్రెస్‌ పార్టీని తిరస్కరించాలని పిలుపునిచ్చారు.