బీసీలను విస్మరిస్తే బీజేపీకి పాతరే!: దుండ్ర

బీసీల సంక్షేమాన్ని, అభివృద్ధిని విస్మరిస్తే బీజేపీని రాజకీయంగా పాతరేయడం ఖాయమని బీసీ దళ్‌ జాతీయ అధ్యక్షుడు దుండ్ర కుమారస్వామి హెచ్చరించారు. ఇకనైనా బీజేపీ సర్కారు బీసీ సబ్‌ప్లాన్‌ అమలును చేయాలని డిమాండ్‌ చేశారు.

హైదరాబాద్‌, అక్టోబర్‌7 (నమస్తే తెలంగాణ): బీసీల సంక్షేమాన్ని, అభివృద్ధిని విస్మరిస్తే బీజేపీని రాజకీయంగా పాతరేయడం ఖాయమని బీసీ దళ్‌ జాతీయ అధ్యక్షుడు దుండ్ర కుమారస్వామి హెచ్చరించారు. ఇకనైనా బీజేపీ సర్కారు బీసీ సబ్‌ప్లాన్‌ అమలును చేయాలని డిమాండ్‌ చేశారు.

బీజేపీ మ్యానిఫెస్టో కమిటీకి బీసీల డిమాండ్లను నివేదించారు. ఆ వివరాలను శనివారం ఒక ప్రకటనలో వెల్లడించారు. బీజేపీ బీసీ డ్రాఫ్టింగ్‌ కమిటీ ఎదుట పలు డిమాండ్లను పెట్టామని తెలిపారు. బీసీ సబ్‌ ప్లాన్‌కు సంబంధించి బీజేపీ విధివిధానాలు రూపొందించాలని, బీసీల కోసం తెలంగాణ తరహాలో ప్రత్యేకంగా పలు సంక్షేమ పథకాలను ప్రవేశపెట్టి అమలు చేయాలని డిమాండ్‌ చేశారు.