NRI | జీటీఏ డెట్రాయిట్ ఆధ్వర్యంలో ఘనంగా బతుకమ్మ వేడుకలు

NRI | గ్లోబల్‌ తెలంగాణ అసోసియేషన్‌ (జీటీఏ) (GTA Detroit) ఆధ్వర్యంలో డెట్రాయిట్‌ చాప్టర్‌లో మంగళవారం బతుకమ్మ పండుగ(Bathukamma celebrations) వేడుకగా జరిగింది. వందలాది మంది మహిళలు తెలంగాణ సంసృతి, సంప్రదాయాలకు అద్దం పట్టేలా బతుకమ్మలను పేర్చి.. గౌరీ దేవిని స్మరిస్తూ జానపద పాటలు పాడుతూ, ఆటలు ఆడారు.

హైదరాబాద్‌, అక్టోబర్‌ 17 (నమస్తే తెలంగాణ) : గ్లోబల్‌ తెలంగాణ అసోసియేషన్‌ (జీటీఏ) (GTA Detroit) ఆధ్వర్యంలో డెట్రాయిట్‌ చాప్టర్‌లో మంగళవారం బతుకమ్మ పండుగ(Bathukamma celebrations) వేడుకగా జరిగింది. వందలాది మంది మహిళలు తెలంగాణ సంసృతి, సంప్రదాయాలకు అద్దం పట్టేలా బతుకమ్మలను పేర్చి.. గౌరీ దేవిని స్మరిస్తూ జానపద పాటలు పాడుతూ, ఆటలు ఆడారు.

ఈ సందర్భంగా జీటీఏ యూఎస్‌ఏ ప్రెసిడెంట్‌ ప్రవీణ్‌ కేసిరెడ్డి మాట్లాడుతూ..తెలంగాణ సంస్కృతి, సంప్రదాయాలను ప్రపంచమంతా వ్యాపింపజేయడం సంతోషంగా ఉందన్నారు. నగరంలో మొదటిసారిగా జరిగిన ఈ వేడుకకు అపూర్వమైన స్పందన లభించిందన్నారు. ఈ సందర్భంగా పిల్లలకు రుచికరమైన ఆహారం, ఫేస్‌ పెయింటింగ్‌ వంటి వినోద కార్యక్రమాలు నిర్వహించారు.

సుమారుగా 50 మంది వలంటీర్లు బతుకమ్మ వేడుకలను విజయవంతం చేయడంలో తమవంతుగా కృషి చేశారు. సుమారు 1500 మంది హాజరై, నోవి సివిక్‌ సెంటర్‌ భవన సదుపాయానికి వచ్చి భక్తి శ్రద్ధలతో ఈ వేడుకను నిర్వహించారు. అదేవిధంగా..కొలరాడోలోని డెన్వర్‌ చాప్టర్‌లోనూ బతుకమ్మ వేడుకను వైభవంగా నిర్వహించారు. నిర్వహణ కమిటీ సభ్యులు సుష్మా పదుకొణె, సుమ కలువల, స్వప్న చింతపల్లి, స్వప్న కాల్వల కార్యక్రమాన్ని పర్యవేక్షించింది.