5న ఆటో డ్రైవర్ల మహా ధర్నా

ప్రభుత్వం ఎన్ని ఆంక్షలు పెట్టిన ఈ నెల 5న ఇందిరాపార్క్‌ వద్ద జరిగే చలో హైదరాబాద్‌-మహా ధర్నాను జరిపి తీరుతామని తెలంగాణ ఆటో యూనియన్‌ జేఏసీ శుక్రవారం ఒక ప్రకటనలో స్పష్టం చేసింది. ధర్నాకు ఆటంకం కలిగించడానికి ప్రభుత్వం ఎన్ని కుట్రలు చేసినా వెనుకడుగు వేయకుండా డ్రైవర్లంతా తరలిరావాలని పిలుపునిచ్చింది.

• సర్కారు ఎన్ని ఆంక్షలు పెట్టినా జరిపి తీరుతాం
• ఆటో జేఏసీ స్పష్టీకరణ

హైదరాబాద్‌ సిటీబ్యూరో, నవంబర్‌ 1 (నమస్తే తెలంగాణ) : ప్రభుత్వం ఎన్ని ఆంక్షలు పెట్టిన ఈ నెల 5న ఇందిరాపార్క్‌ వద్ద జరిగే చలో హైదరాబాద్‌-మహా ధర్నాను జరిపి తీరుతామని తెలంగాణ ఆటో యూనియన్‌ జేఏసీ శుక్రవారం ఒక ప్రకటనలో స్పష్టం చేసింది. ధర్నాకు ఆటంకం కలిగించడానికి ప్రభుత్వం ఎన్ని కుట్రలు చేసినా వెనుకడుగు వేయకుండా డ్రైవర్లంతా తరలిరావాలని పిలుపునిచ్చింది. హైదరాబాద్‌ నగరంలో ఆంక్షల పేరుతో రేవంత్‌ సర్కార్‌.. సమస్యలు చెప్పుకోవడాన్ని కూడా అణచివేస్తుందని బీఆర్‌టీయూ ఆటో యూనియన్‌ ప్రెసిడెంట్‌ వేముల మారయ్య విమర్శించారు. కాంగ్రెస్‌ అధికారంలోకి వచ్చి ఆటో డ్రైవర్ల ఉపాధిని నాశనం చేసిందని ధ్వజమెత్తారు. ఆటో డ్రైవర్ల ఆత్మహత్యలకు కాంగ్రెస్‌ పార్టీయే కారణమని ఆరోపించారు. అన్ని వాహన సంఘాలతో కలిపి మహాధర్నా విజయవంతం చేస్తామని తెలిపారు. ప్రజాపాలన అని చెప్పుకుంటున్న కాంగ్రెస్‌ సర్కారు.. ఆంక్షల పేరుతో వేధించడం సరికాదని పేర్కొన్నారు.