మరో తుపాన్‌?

ఆగ్నేయ బంగాళాఖాతంలో అల్పపీడనం ఏర్పడింది. ఇది క్రమంగా వాయవ్య దిశగా కదులుతూ రానున్న 48 గంటల్లో వాయుగుండంగా బలపడే అవకాశం ఉన్నదని వాతావరణ నిపుణులు అంచనా వేస్తున్నారు.

• బంగాళాఖాతంలో అల్పపీడనం
• 48 గంటల్లో వాయుగుండంగా బలపడే అవకాశం

హైదరాబాద్‌, నవంబర్‌ 13 (నమస్తే తెలంగాణ): ఆగ్నేయ బంగాళాఖాతంలో అల్పపీడనం ఏర్పడింది. ఇది క్రమంగా వాయవ్య దిశగా కదులుతూ రానున్న 48 గంటల్లో వాయుగుండంగా బలపడే అవకాశం ఉన్నదని వాతావరణ నిపుణులు అంచనా వేస్తున్నారు.

ఆ తర్వాత వాయుగుండం దిశను మార్చుకుని తుపాన్‌గా మారే సూచనలు ఉన్నాయని అధికారులు తెలిపారు. 16వ తేదీ వరకు గంటకు 40 నుంచి 60 కి.మీ వేగంతో బలమైన ఈదురుగాలులు వీచే అవకాశం ఉన్నదన్నారు.