తొలిరోజు 89 కేసులు నమోదు

దేశవ్యాప్తంగా సోమవారం నుంచి అమల్లోకి వచ్చిన నూతన క్రిమినల్‌ చట్టాల్లోని పలు సెక్షన్ల కింద తెలంగాణలో తొలిరోజు 89 కేసులు నమోదైనట్లు సీఐడీ డీజీ శిఖాగోయెల్‌ తెలిపారు.

• ఎక్సైజ్‌ శాఖలో తొలి ఎన్డీపీఎస్‌ కేసు నమోదు

హైదరాబాద్‌, జూలై 2 (నమస్తే తెలంగాణ) : దేశవ్యాప్తంగా సోమవారం నుంచి అమల్లోకి వచ్చిన నూతన క్రిమినల్‌ చట్టాల్లోని పలు సెక్షన్ల కింద తెలంగాణలో తొలిరోజు 89 కేసులు నమోదైనట్లు సీఐడీ డీజీ శిఖాగోయెల్‌ తెలిపారు.

తొలి కేసు చార్మినార్‌ పీఎస్‌లో నమోదైనట్లు వెల్లడించారు. నారోటిక్‌ డ్రగ్స్‌ అండ్‌ సైకోట్రోనిక్‌ సబ్‌స్టాన్సెస్‌ యాక్ట్‌ (ఎన్డీపీఎస్‌) కింది మేడ్చల్‌ ఎక్సైజ్‌ స్టేషన్‌ పరిధిలో తొలి కేసు నమోదు అయిందన్నారు. విశాఖపట్నానికి చెందిన విజయలక్ష్మి అక్కడి నుంచి గంజాయిని తీసుకువచ్చి మంగళవారం హైదరాబాద్‌లో విక్రయిస్తుండగా ఎక్సైజ్‌ సిబ్బంది 2.1 కేజీల గంజాయిని స్వాధీనం చేసుకుని కొత్త చట్టం ప్రకారం కేసు నమోదు చేశామని సీఐ నర్సిరెడ్డి తెలిపారు. ఈ కేసులో విజయలక్ష్మితోపాటు రంగారెడ్డి జిల్లా మాడుగులకు చెందిన సాయితేజను అరెస్టు చేసినట్లు చెప్పారు.